بەڕێوەبەری گشتی بەوەکالەت دوو پڕۆژەی گرنگی بەسەرکردەوە.
بەڕێوەبەرایەتی گشتی بەدواداچون بۆ زیادەڕەوی کۆمپانیایەک دەکات بۆ سەر پڕۆژەی بینای بەڕێوەبەرایەتی گشتی .
لەپێش دەوامی فەرمی ئەمڕۆ ،28ـی ئــابـی /2023، بەڕێز بێستون جەبار ، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی، بە هاوڕێیەتی بەڕێزان ،هیوا ڕەحمان ڕاوێژکاری یاسایی، ئەندازیار ،بەختیار عەلی ، لێپرسراوی ئەندازیاری. هەردوو پڕۆژەی دایەنگەی کۆمەڵگەی زانکۆ و بینای تەواو نەکراوی بەڕێوەبەرایەتی گشتی بەسەرکردەوە.
لە بەسەركردنەوەی بینای بەڕێوەبەرایەتی گشتی بەدواداچونی ورد کرا بۆتەزیادەڕەوی کۆمپانیایەک لە بەکارهێنانی زەوی پڕۆژەکە بۆ کاری تایبەت بەخۆیان و بەڕێوەبەری گشتی بەوەکالەت جەختی لەسەر گرتنه‌به‌ری ڕێوشوێنی پێویست ویاسای کردەوە بۆ پاراستنی هەیکەلی بیناکە و هەردد بەشی ئەندازیاری و یاسای ڕاسپارد بەزووی ڕێکاری پێویست بگرنەبەر.
لەسەردانێکی تردا بەڕێوەبەری گشتی بەوەکالەت پڕۆژەی دایەنگەی کۆمەڵگەی زانکۆی بەسەرکردەوەو دەست خۆشی لە کۆمپانیای باڵامبۆ و ئەندازیاران و کارمەندان کرد کە کارکردن تیایدا بەردەوامەو بەم نزیکانە دەکەوێتە خزمەت منداڵانی پڕۆژەکەو ناوچەکە.
ئەوەی شایەنی باسە ، پڕۆژەی بینای بەڕێوەبەرایەتی گشتی لەسەر بودجەی حكومەتی هەرێمی كوردستان ساڵی ٢٠١٤ دەستی بە كارەكانی كردوو لە ساڵی ٢٠١٦ بە هۆی قەیرانی دارایی كارەكانی ڕاگیرا.
پڕۆژەی دایەنگەی کۆمەڵگەی زانکۆ پڕۆژەیەکی مۆدێرنەو خاتوو کوێستان محەمەد وەزیری کارو کاروباری کۆمەڵایەتی بەردی بناغەی داناوەو دەکەوێتە گەڕەکی چوارچرا ،لەلایەن کۆمپانیای باڵامبۆ لەسەر ئەرکی بەڕێز شێخ عەلی شێخ عزالدین، لەسەر ڕوبەری 1000م دووجا بە تێچووی 1,125,000 ملیار دینار دروست دەکرێت.