+وێنە: بەڕێوەبەری گشتی بەوەکالەت قەزای دەربەندیخان بەسەردەکاتەوە. " بەڕێوەبەری گشتی بەوەکالەت بەهەماهەنگی ئیدارەی شارەکە پرسی دروست کردنی سەنتەرێک بۆ توشبوانی ئۆتیزم گفتووگۆ دەکات"
ڕۆژی پێنج شەممە، 24ـی ئـــابـی /2023، ،بەڕێز بێستون جەبار به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی بەوەکالەت ، شاری دەربەندیخانی بەسەر کردەوە،
لەسەرەتای سەردانەکەدا بەڕێوەبەری گشتی بەوەکالەت بە هاوڕێیەتی م.عەبدولواحید ئەحمد ، به‌ڕێوه‌به‌ری چاودێری کۆمەڵایەتی دەربەندیخان ، سه‌ردانی ئائمقامیه‌تی قه‌زای ده‌ربه‌ندیخانى كردو له‌لایه بەڕێز سلێمان محەمەد، قائمقامی قه‌زاكه‌وه پێشوازیكرا.
له دیدارێكدا پرسی کردنەوەی سەنتەرێک بۆ توشبوانی ئۆتیزم لەشارەکە گفتوگۆی لەبارەوە کراو گرفتی كارمه‌ندان‌و فه‌رمانگه کۆمەڵایەتیەکانی شاری ده‌ربه‌ندیخان تەوەرێکی تربوو، له‌و دیداره‌دا به‌ڕێوه‌به‌ری گشتی سوپاس‌و ده‌ستخۆشی ئاراسته‌ی قائمقامی ده‌ربه‌ندیخان كرد كه دڵسۆازنه بۆ سه‌رجه‌م فه‌رمانگه‌كان كارده‌كات‌و خه‌مخۆری هاووڵاتیان‌و فه‌رمانگه‌كانی شاره‌كه‌یه، هه‌روه‌ها سوپاسی پێشوازی‌‌و میوندارییه‌كه‌یانی كرد.
دواتر بەڕێوەبەرایەتی گشتی سەردانی بەڕێوەبەرایەتی چاودێری کۆمەڵایەتی دەربەندیخانی کردوو لەگەڵ بەرپرس و کارمەندانی بەڕێوەبەرایەتیەکە کۆبویەوەو گوێی لە کێشەو داواکاریەکانیان گرت و ژمارەیەک ڕێنمایی پێویستی پێدان.
پاشان بەڕێوەبەری گشتی بەوەکالەت سەنتەری پاراستنی منداڵانی دەربەندیخانی بەسەرکردەوە و لە لایەن بەڕێز سامان محەمەد بەڕێوەبەری سەنتەرەکە پێشوازی کران و لەنزیکەوە کەموکوڕیەکانی سەنتەرەکەی بینی و بەڵێنی هاوکاری بەپێی توانای بەردەست دا.
دواتر بەڕێزیان سەنتەری ئۆتیزمی هیوای ناحکومی ، دایەنگەی منداڵانی دەربەندیخانی حکومی ،دایەنگەی ڕەنگاڵەی ناحکومی ) بەسەرکردەوە و بەشو هۆبە جیاجیاکانی بینی و لە ڕەوش و باردۆخی منداڵان و سودمەندانی پرسیەوەو ژمارەیەک ڕێنمایی و تێبینی پێدان و هەروەک دەست خۆشی لە بەڕێز خاتوو هەردێ حەمەڕەشید بەڕێوەبەری دایەنگە و کارمەندان و فەرمانبەران کرد و پێشخستنی توانای دایەنگاکەی بە پێویست باس کرد بەجۆرێک ببێتە دایەنگەیەکی نمونەیی.