به‌ڕێوه‌به‌ری گشتی بەوەکالەت کۆمەڵگەی چاودێری کۆمەڵایەتی به‌سه‌رده‌كاته‌وه‌و به‌دواداچوون بۆ كاره‌كانیان ده‌كات.
ڕۆژی دووشەممە ،21ـی ئـــابـی/2023، بەڕێز بێستون جەبار به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی بەوەکالەت، کۆمەڵگەی چاودێری کۆمەڵایەتی بەسەرکردەوەو بەڕێزان خاتوو ڕازاوە میرزا بەڕێوەبەری چاودێری کۆمەڵایەتی بەوەکالەت پێشوازی لێکردن ،لە سه‌ردانه‌کەیدا جه‌ختی له‌سه‌ر جێ به‌جێكردنی یاساو ڕێنماییه‌كان‌و پاراستنی مافی سودمه‌ندان كرده‌وه.
له سەردانەکاندا به‌ڕێز به‌ڕێوه‌به‌ری گشتی بەوەکالەت، دیوانی بەڕێوەبەرایەتی چاودێری کۆمەڵایەتی و ماڵی کوڕان و بەساڵاچوان و منداڵان و هێڵی گەرمی 116ـی بەسەر کردەوە، له‌و سه‌ردانانه‌یدا به‌ڕێز به‌ڕێوه‌به‌ری گشتی دەست خۆشی لە بەڕێوەبەر و کارمەندان کرد ولە ژیانی سودمەندانی پرسیەوەو بەدواداچونی بۆ خشتەو کوالیتی خواردنی سودمەندان کرد. جه‌ختی له‌سه‌ر جێ به‌جێكردنی یاساو ڕێنماییه‌كان كرده‌وه‌و به‌ڕێوه‌به‌رو كارمه‌ندانی ڕێنماییكرد له‌سه‌ر باشتر كردنی ئاستی به‌ڕێوه‌بردنی ئه‌ركه‌كان، هه‌روه‌ك له‌گه‌ڵ بەڕێوەبەر و ستافەکان گفتوگۆی كرد و بەدواداچوونی بۆ کێشەو گرفتەکان کرد.
|