بەڕێوەبەری گشتی بەوەکالەت پێشوازی لە خاتوو ڕووناک فەرەج کرد.
ڕۆژی پێنجشەممە17ـی ئـــابـی /2023، بەڕێز بێستون جەبار ، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی بەوەکالەت، بە ئامادەبوونی بەڕێز، سۆران سەعید بەرپرسی پارێزگاری خێزان ، ئەندازیار بەختیار حەمەغەریب، پێشوازی لە کەسایەتی دیاری شاری سلێمانی خاتوو ڕووناک فەرەج کرد.
لە دانیشتنێکدا باس لەوگرفتانە کرا کە هاتونەتە بەردەم تەواو کردنی پڕۆژەی بینای ماڵی منداڵانی بێسەرپەرشت کە لەئێستادا کارەکانی ڕاوەستاون.
پڕۆژەی ماڵی منداڵانی بێ سەرپەرشت پڕۆژەیەکی خێرخوازیەو دەکەوێتە گەڕەکی کوردسات و لەئێستادا لە%60ی کارەکانی کۆتایی هاتووەو بەڵام بەهۆی کۆچی دوایی خاوەنی پڕۆژەکە گرفتی یاسایی بۆ دروست بووەو بەتەواوبوونیشی خزمەتێکی گەورە دەکات و ژیانێکی باشتر بۆ منداڵانی بێسەرپەرشت فەراهەم دەکات.
|