بەڕێوەبەری گشتی بەوەکالەت پێشوازی لە شاندێکی ڕێکخراوی ستێپ دەکات و پیرۆزبایی نامەیەکی ئاڕاستە دەکەن.
ڕۆژی پێنج شەممە ، 17ـی ئـــابـی/ 2023، به‌ڕێز بێستون جەبار ، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌لایه‌تی له‌پارێزگای سلێمانی بە ئاماده‌بوونی به‌ڕێز، سۆران سەعید بەرپرسی پارێزگاری خێزان ،پێشوازی کرد لە شاندێکی ڕێکخراوی ستێپ کە پێکهاتبوون لە به‌ڕێزان خاتوو ڕه‌یچڵ نیوتن، بەرپرس ودامەزرێنەری پڕۆژەی خێزانی جێگرەوە لە ڕێکخراوەکە ، خاتوو ئەنێت ڤان ئاگدۆم به‌ڕێوه‌به‌ری گشتی ڕێكخراو ، عادل ئەحمەد پارێزەری ڕێکخراو.
سەرەتا پیرۆزبایان ئاڕاستەی بەڕێز بەڕێوەبەری گشتی کرد بۆ وەرگرتنی پۆستی نوێ و پاشان لەکۆبونوەیەکدا گفتوگۆ دەربارەی ئاستەنگ و گرفتەکانی بەردەم پڕۆژەی خێزانی جێگرەوە کرا.
كۆبوونه‌وه‌كه ئامانجی كۆكردنه‌وه‌و گه‌ڵاله‌كردنی بۆچوونی به‌ڕێوه‌به‌رایه‌تی گشتی و ڕێکخراوی ستێپ بوو كه تیایدا له ئاینده‌دا به‌شێوه‌یه‌كی ستراتیجی هه‌نگاوه‌كانی داهاتووی پڕۆژه‌كه له سلێمانی ته‌واو بكرێن‌و پڕۆژه‌كه چالاکەنە ده‌ست بەکارەکانی بکاتەوە و بڕیاردرا کۆبونەوەیەکی فراوان لە داهاتویەکی نزیکدا ڕێک بخرێت.
ڕێكخراوی ستێپ، ڕێكخراوێكی به‌ریتانی بواری پاراستنی منداڵانه‌و له‌ماوه‌ی ڕابردوودا له ڕووی هونه‌رییه‌وه جێ به‌جێكاری پڕۆژه‌ی خێزانی جێگره‌وه‌بووه.
|