بەڕێوەبەری گشتی دایەنگەی (مۆنتیسۆری) ناحکومی بەسەرکردەوە.
ئەمڕۆ پێنجشەمە، 17ـی ئــــابی /2023، به‌ڕێز،بێستون جەبار به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی بەوەکالەت، به هاوڕێیه‌تی به‌ڕێزان بەنان وەهاب بەرپرسی بەشی دایەنگاکان، شاگوڵ عەزیز، بەرپرسی هۆبەی ئامار وئایتی دایه‌نگه‌ی (مۆنتیسۆری) ناحكومی به‌سه‌ركرده‌وه.
له سه‌ردانه‌كه‌یدا به‌ڕێز به‌ڕێوه‌به‌ری گشتی، هۆبه‌و به‌ش‌و یه‌كه جیاجیاكانی دایه‌نگه‌ی به‌سه‌ركرده‌وه‌و له نزیكه‌وه ژیانی منداڵه‌كان‌و سه‌رجه‌م قۆناغه‌كانی مانه‌وه‌و په‌روه‌ده‌و خزمه‌ته‌كانی دایه‌نگه‌ی بینی‌‌و له‌لایه‌ن به‌رێوه‌به‌ری دایه‌نگه‌وه ڕوونكردنه‌وه‌ی پێویست له‌باره‌ی دایه‌نگه‌وه خرایه ڕوو.
به‌ڕێز به‌ڕێوه‌به‌ری گشتی ده‌ستخۆشی له به‌ڕێوه‌به‌رو كارمه‌مه‌ندان و ستافی دایه‌نگه كرد كه به ئاستێكی زۆر باش خزمه‌تی منداڵه‌كان ده‌كه‌ن‌و پابه‌ندی یاساو ڕێنماییه‌كانن و به‌رنامه‌ی تایبه‌تیان هه‌یه بۆ گه‌شه‌پێدان به تواناكانی منداڵان له‌و قۆناغه هه‌ستیاره‌ی ته‌مه‌ندا، هه‌روه‌ك ڕێنماییكردن باشتر‌و زیاتر گرنگی به كارو پیشه‌كه‌یان بده‌ن‌و ئاستی ستافه‌كانیان به‌رزكه‌نه‌وه‌و به‌رنامه‌كانیان بۆ په‌روه‌رده‌ی منداڵه‌كان له ڕووكی په‌روه‌رده‌یی‌‌و كۆمه‌ڵایه‌تییه‌وه به‌رزتربكه‌نه‌وه.
دایه‌نگه‌ی مۆنتیسۆری، دایه‌نگه‌یه‌كی ناحكومییه‌‌و له ئاستی گروپی (A) دایە بە پێی پێوه‌ره‌كان‌و هه‌ڵسه‌نگاندنه‌كانی به‌ڕێوه‌به‌رایه‌تی گشتی كه به ئاستێكی زۆر باش ئه‌ژمارده‌كرێت‌و شوێنه‌كه‌شی ده‌كه‌وێته ناو پڕۆژەی گاردن سیتی، لە سەر شەقامی بازنەیی مەلیک مەحمود.
|