ڕۆژی سێشەممە ،8ـی ئـابـی2023، بە ئامادەبوونی بەڕێزان بێستون جەبار، بەڕێوەبەری گشتی چاودێری و گەشە پێدانی کۆمەڵایەتی لە پاێزگای سلێمانی بەوەکالەت، کامل غەفور سەرپەرشتیاری پەروەردەیی، فەرەیدون عەزیز لێپرسراوی یەکەی پاراستنی منداڵ ژمارەیەک لە کەسایەتیە دیارەکانی شاری سلێمانی مەراسیمێکی شایستە بۆ ئەو قوتابیە خاوەن پێداویستیە تایبەتانە  ڕێکخرا کە نمرەی بەرزیان لە قۆناغەکانی خوێندن بەدەست هێناوە.

لەو مەراسیمەدا ،مەدالیای ئاڵتونی بەخشرایە دوو قوتابی نابینا پاشان هەریەکە لە بەڕێزان بەڕێوەبەری گشتی و حاجی هونەر عومەر سورچی و ژمارەیەک کەسایەتی ،ڕێزلێنان و چەپکەگوڵیان بەخشیە قوتابیە نابیناو نابیستە سەرکەوتوەکان.

ئەوەی شایەنی باسە مەراسیمەکە لەلایەن ڕێکخراوی ڕۆشنایی دڵ بۆ خزمەت لە ژێر دروشمی نەفرەت لە شەڕو ئاژاوەو تێکدان .. بەڵێ بۆ ئاشتەوایی و خوێندن بۆ هەمووان.. لە هۆڵی ڕێکخراوەکە ڕێکخرابوو.