شاندێکی بەڕێوەبەرایەتی گشتی سەردانی شارەدێی عەربەت دەکات.
بەڕێوەبەرایەتی گشتی بۆ پاراستنی منداڵان و جوان کردنی سیمای شار کار بۆ نەهێشتنی منداڵ و دەروەزەکار لە ترافیک و سەرشەقامەکان دەکات.
ئەمڕۆ سێشەممە، 8ـی ئــابـی/2023،شاندێکی بەڕێوەبەرایەتی گشتی بەسەرپەرشتی بەڕێز بێستون جەبار بەڕێوەبەری گشتی چاودێری و گەشەپێدانی کۆمەڵایەتی لەپارێزگای سلێمانی بە وەکالەت ، هاوڕێیەتی بەڕێزان هیوا سەعید و کامل غەفور سەرپەرشتیارانی پەروەردەیی ، فەرەیدون عەزیز لێپرسراوی یەکەی پاراستنی منداڵ سەردانی ناحیەی عەربەت و کەمپی ئاوارەکانی ئاشتی کرد.
سەرەتا شاندی بەڕێوەبەرایەتی گشتی سەردانی ناحیەی عەربەتی کردو لەلایەن بەڕێز دابان محەمەد بەڕێوەبەری ناحیە پێشوازی کران ، ئامانجی سەردانەکە گفتووگۆی کردنەوەی سەنتەرێکی ڕاهێنان بوو بۆ منداڵانی خاوەن پێداویستی تایبەت و گرفتی منداڵانی کەمپی ئاوارەکان لەسەرشەقام ، لەوڕوەوە بەڕێز بەڕێوەبەری ناحیەی عەربەت بەڵێنی دابین کردنی بیناو ژمارەیەک پێداویستی هەر پشتیوانیەکی تری دا و هەماهەنگی زیاتر لەنێوان هەردولا جەختی لەبارەوە کرایەوە.
پاشان بۆ چارەسەرکردنی گرفتی منداڵانی ئاوارەکان لەسەر شەقامەکان شاندی بەڕێوەبەرایەتی گشتی لەگەڵ شاندێکی ڕێکخراوی منداڵ پارێزی کوردستان سەردانی کەمپی ئاوارەکانی ئاشتی کردو لەگەڵ ئیدارەی کەمپەکە کۆبونەوە .
کۆبونەوەکە تایبەت بوو بە ڕێگری کردن لە منداڵانی کەمپەکان لە هاتنیان بۆ سەر شەقام و ترافیکەکانی ناو شار و پاراستنیان لە کاری قورس و دەستدرێژی گرفتی جۆراوجۆر و دیاریکردنی میکانزمێک بۆ ئەو مەبەستە.
دواتر شاندی بەڕێوەبەرایەتی گشتی پڕۆژەی پاراستنی منداڵی لەناو کەمپی ئاشتی بەسەرکردەوە کەپڕۆژەیەکی بەڕێوەبەرایەتی گشتیە بە هاوبەشی ڕێکخراوی یونسێف تیایدا منداڵان تیایدا سودمەند دەبن لە ڕاهێنان و خولی جۆراو جۆر.