بەڕێوەبەری گشتی بەوەکالەت قەزای شارەزوور بەسەردەکاتەوە.
بەڕێوەبەری گشتی بەوەکالەت :- "بەهاوکاری ئیدارەی سنورەکە ناوەندێک بۆ منداڵانی خاوەن پێداویستی تایبەت دادەمەزرێنێن"
ئەمڕۆ چوارشەممە،2ـی ئــــابــی/2023، به‌ڕێز بێستون جەبار، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌لایه‌تی له پارێزگای سلێمانی بەوەکالەت سه‌ردانی قەزای شارەزووری كرد.
سەرەتا بەڕێوەبەرایەتی گشتی بەوەکالەت سەردانی ناحیەی زەڕایەنی کرد و بەڕێز حاکم ئاوارە حەمەشەریف بەڕێوەبەری ناحیەوە پێشوازی کرا و گفتوگۆی ژمارەیەک کێشەو گرفتی کۆمەڵایەتی ناحیەکە کران و پێکەوە بەشداری پرسەی ئەو پێنج هاوڵاتیەیان کرد کە بە ڕوداوی هاتووچۆ کۆچی دواییان کرد.
پاشان به هاوڕێیه‌تی به‌ڕێزان حاکم ئاوەرە حەمەشەریف بەڕێوەبەری ناحیەو ،دەشتی عومەر، به‌رپرسی سه‌نته‌ری پاراستنی منداڵانی شارەزورسەردانی قائمقامیه‌تی شاره‌كه‌یان كردو له‌لایه‌ن به‌ڕێز ڕزگار غەفور ، قائمقامی شارەزوورەوە پێشوازیكران، له دانیشتنێك دا بەڕێوەبەری گشتی پێشنیاری کردنەوەی ناوەندێک بۆ منداڵانی خاوەن پێداویستی تایبەت لە قەزای شارەزوور کردو هەروەک پشتیوانیان بۆ دەربڕی و هەماهەنگی زیاتری نێوانیان جەختی لەسەر کرایەوە و بەڕێز بەڕێوەبەری گشتی هیوای خواست پێکەوە بتوانن ڕۆڵی گه‌وره لە چارەسەر کردنی گرفتەکانی هاوڵاتیانی خاوەن پێداویستی تایبەت وهەژاران ببینن.
دواتر بەڕێزیان سەنتەری پاراستنی منداڵان و دایەنگەی شارەزووری بەسەرکردەوە ودەست خۆشی لە بەرپرس و کارمەندان کرد ،هەروەک بینەری بەشێک لە چالاکیەکانی سەنتەرەکە بوو دواتر گوێی لە کارمەندان و منداڵانی سەنتەرەکە گرت و بەڵێنی دا بەشێک لە گرفتەکانیان چارەسەر بکات.
|