بەسەرپەرشتی بەڕێوەبەری گشتی کۆبوونەوەی گرووپی کاری بەرەنگاربوونەوەی توندووتیژی لە سەر بنەمای جۆری کۆمەڵایەتی بەڕێوەچوو.
ڕۆژی یەکشەممە 30ـی تەمووزی 2023، بەڕێز بێستون جەبار بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی بەوەکالەت سەرپەرشتی کۆبوونەوەی گرووپی کاری بەرەنگاربوونەوەی توندووتیژی لە سەر بنەمای جۆری کۆمەڵایەتی كرد.
بەڕێوەبەری گشتی بەوەکالەت لەوتەیەکدا دەست خۆشی لە گروپەکە کرد و هیوای خواست پرسی ژنان زیاتر گرنگی پێبدەن وە پارێزگای سلێمانی بکرێتە شارێکی نمونەیی بۆ پاراستنی مافەکانی ژنان
کۆبونەوەکە لە پاش کۆبوونەوەی لیژنەی هەماهەنگی وەزارەتی کارو کاروباری کۆمەڵایەتی کە تایبەت بوو بە هەمان پرس و لە کۆبوونەوەکەدا جەخت کرایەوە لە سەر هاوکاری هەماهەنگی نێوان رێکخراوەکان و حکومەت بۆ کارکردنی هاوبەش و خزمەتکردنی کۆمەڵگە و پاراستنی خێزان و منداڵ کە بوونەتە قووربانی ئەو توندووتیژیانەی کە لە ئێستادا روودەدەن.
|