ڕۆژی یەکشەممە 30ـی تەمووزی 2023، بەڕێز بێستون جەبار بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی بەوەکالەت پێشوازی کرد لە گروپێکی خۆبەخش کرد کە کار بۆ هاوکاری کردنی هاوڵاتی خاوەن پێداویستی تایبەت دەکەن.
 
 بەڕێوەبەری گشتی بەوەکالەت جەختی کردەوە زۆر بوار‌و خه‌ڵك هه‌ن ناتوانرێت به‌ پێوه‌ری‌ مادده‌و پاره‌‌و پاداشت مامه‌ڵه‌یان له‌گه‌ڵ بكرێت،  كاری‌ دڵسۆزانه‌ی‌  ئێوه‌ له‌و كارانه‌ن به‌ پاداشتی‌ ماددی‌ نانرخێنرێن، هه‌ربۆیه‌ كاری‌ ئێوه‌ جێگه‌ی‌ ستایش‌و نرخاندنی‌ ئێمه‌یه‌، به‌ڵام ئه‌مڕۆ‌و به‌رده‌وامی‌ كاری‌ ئێوه‌و دڵسۆزیتان زۆر زیاتر شایسته‌یه‌ به‌ نرخاندن‌و ستایش كردن، هه‌ربۆیه‌ ئێوه‌ شایسته‌ی‌ هه‌موو ڕێزێكی‌ ئێمه‌ن‌و هیوای‌ به‌رده‌وامیتان بۆ ده‌خوازین ". 
 
هه‌روه‌ها له‌ به‌شیكی‌ تری‌ وته‌كه‌یدا، به‌ڕێوه‌به‌ری‌ گشتی‌ سوپاسی‌ ئه‌و گه‌نجانه‌ی‌ كرد كه‌ خۆبه‌خشانه‌ به‌پێی‌ توانای‌ خۆیان كارده‌كه‌ن و پشتیوانی خۆشی بۆ دووپات کردنەوە.

ئەوەی جێگەی باسە ئەم گروپە پەرەیان بە بەرنامەیەک داوە کار ئاسانی بۆ نابیستان دەکات ولە ڕێگەی وەرگێرانی زمانی ئاماژە لەناو مۆبایل کەسی بەرامبەر دەتوانێ لە هاوڵاتیە نابیستەکە تێبگات و هەروەها بەپێچەوانەشەوە بڕیار وایە بەم نزیکانە بەرنامەکە (app)بڵاو بکرێتەوەو سەرجەم دەزگا ڕەسمیەکان وێنەیەکیان بۆ بنێردرێ تا کاری هاوڵاتیانی نابیست گرفتی بۆ دروست نەبێ.

ئەو بەڕێزانەش کە ڕێزلێنانیان پێبەخشرا 

1_بەختەوەر بەرزان عبدالله
2_ بەهار محمود محمد
3_ شایی هێرش قادر 
4_ هاژە على
5_ زەند یاسین کریم
6_ ئەلەند هێرش قادر 
7_ جیهاد عینایة عبدالکریم
8_ ڕێژوان بورهان