بەڕێوەبەری گشتی بەوەکالەت سەردانی ناحیەی پیرمەمەگرون دەکات
ڕۆژی چوارشەممە، 27ـی تەمووزی 2023، به‌ڕێز بێستون جەبار، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی بەوەکالەت به هاوڕێیه‌تی به‌ڕێز فەرەیدون عەزیز، بەرپرسی یەکەی پاراستنی منداڵ، سه‌ردانی سه‌نته‌ری چالاكی منداڵانی پیره‌مگرونی كردو له‌لایه‌ن به‌ڕێز كاك فه‌رهاد عەبدوڵڵا و كارمه‌ندانی سه‌نته‌ره‌وه پێشوازیكرا.
سەرەتا بەڕێزیان سەردانی بەڕێوەبەری ناحیەیان کردوو لە لایەن بەڕێز بەکر عەبدولکەریم بەڕێوەبەری ناحیەی پیرەمەگرون پێشوازی کران و هەردولا گفتوگۆی ژمارەیەک کێشەو گرفتی هاوڵاتیانی خاوەن پێداویستی تایبەت و کەمدەرامەتانی سنورەکە کردو و هەماهەنگی نێوان هەردولا جەختی لێکرایەوە ، بەڕێوەبەری گشتی بەوەکالەت پێشنیاری کردنەوەی سەنتەرێکی ڕاهێنان بۆ هاوڵاتیانی خاوەن پێداویستی تایبەت کرد بەڕێوەبەری ناحیە بە خۆشحاڵیەوە ئامادەیی بۆ پڕۆژەکە دەربڕی.
هەرله‌و سه‌ردانه‌یدا به‌ڕێز به‌ڕێوه‌به‌ری گشتی سەردانی سەنتەری منداڵانی پیرەمەگرون کردو ده‌ستخۆشی لە بەڕێوەبەرو کارمەندان کرد كه له خزمه‌تێكی به‌رچاوی منداڵانی شارۆچكه‌كه‌یان سه‌ره‌ڕای ئه‌و كه‌م‌و كورتیانه‌ی كه به‌هۆی كه‌می ستاف و توانای داراییه‌وه هه‌یانه به‌ڵام به‌رده‌وام خزمه‌تێكی باشی منداڵان ده‌كه‌ن، هه‌روه‌ك ڕێنماییكردن بۆ خزمه‌تی زیاترو پاڵپشی به‌ڕێوه‌به‌رایه‌تی گشتیشی دووپاتكرده‌وه.
دواتر بەڕێوەبەری گشتی بەشداری کۆتا ڕۆژی ڕاهێنانێکی سەنتەرەکە بوو تیایدا بڕوانامە و دیاری بەخشرایە بەشداربوانی ڕاهێنانەکە.
|