لە چوارچێوەی پلانەکانی وەزارەتی کارو کاروباری کۆمەڵایەتی بۆ وەرگرتنەوەی ئەو بیناو پڕۆژانەی لە ماوەی ڕابردودا ، بە مەبەستی خزمەت کردن، سپێردراوە بە ڕێکخراوەکان ، ئەمڕۆ سێشەممە، 25ـی تەمووزی 2023، بەڕێز بێستون جەبار ، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی بەوەکالەت، بە ئامادەبوونی بەڕێز، فەرەیدون عەزیز، لێپرسراوی یەکەی پاراستنی منداڵ، پێشوازی کرد لە شاندێکی ڕێکخراوی (ڕیچ) کە پێکهاتبوون لە بەڕێزان ، بەڕێوەبەری پڕۆگرام، هەردین عەزیز ، بەڕێوەبەری پڕۆژە،دابان ستار سەرۆکی تیمی گەڕۆک.

لە کۆبونەوەیەکدا گفتوگۆ دەربارەی نوێکردنەوەی گرێبەستی نێوان بەڕێوەبەرایەتی گشتی و ڕێکخراوی ڕیچ کرا بەجۆرێک بەهەماهەنگی هەردولا بینای سەنتەری پاراستن و چالاکی منداڵان لە بازیان خزمەتی تێدا بکرێت  .
بینای سەنتەرەکە لە چوارچێوەی گرێبەستێکداو بۆ ماوەی چوارساڵ بە ڕێکخراوی ڕیچ سپێردراوە، بەڕێز بەڕێوەبەری گشتی ، پڕۆژەی بەڕێوەبەرایەتی گشتی و گرنگی بینای سەنتەرەکەی بۆ ئامادەبوان ڕوون کردەوە ،کە مەبەست خزمەت کردنە بە منداڵانی شارۆچکەی بازیان .

لە ئێستادا بینای سەنتەری پاراستن و چالاکی منداڵان لە بازیان  ، بەناوی سەنتەری لیزا ، کە ڕێکخراوی ڕیچ سەرپەرشتی دەکات، خزمەت بە دانیشتوانی شارۆچکەی بازیان دەکات ولەئێستادا کۆتایی هاتنی گرێبەستەکە نزیک بۆتەوەو لەئەگەری نوێکردنەوەی گرێبەستەکەدا ، بەڕێوەبەرایەتی گشتی وەک سەنتەری چالاکی و پاراستنی منداڵان بەهەماهەنگی ڕێکخراوی ڕیچ دەیخاتە خزمەت منداڵانی ناوچەکە.