بەڕێوەبەری گشتی بەوەکالەت پێشوازی لە دوو هاوڵاتی بەهرەمەندی خاوەن پێداویستی تایبەت دەکات.
ئەمڕۆ یەکشەممە ، 23ـی تەمووزی 2023، بەڕێز بێستون جەبار بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی بەوەکالەت پێشوازی کرد لە خاتوو ئەندریای نوسەرو دانیاری دەست ڕەنگین و خانەوادەکانیان.
مەبەستی سەردانەکەیان دەربڕینی سوپاس گوزاری بوو بۆ بەڕێوەبەرایەتی گشتی لەپای هەوڵی دڵسۆزانەی بەڕێوەبەرایەتیەکە بۆ هاوڵاتیانی خاوەن پێداویستی تایبەت و پاڵپشتی و پشتگیری ڕاستەوخۆی بەڕێز بەڕێوەبەری گشتی لەماوەی ڕابردودا بۆ خاتوو ئەندریا و دانیاری دەست ڕەنگین و چەپکەگوڵی سوپاسگوزاریان پێشکەش بە بەڕێوەبەری کشتی کرد.
لەبەرامبەردا بەڕێوەبەری گشتی بەوەکالەت سوپاسی کردن و دڵنیای دا ئەرکی خۆی بەجێهێناوەو بەردەوام دەبێت لەچوارچێوەی دەسەڵاتەکانی خزمەت بە هاوڵاتیانی خاوەن پێداویستی تایبەت دەکات.
|