بەڕێوەبەرایەتی گشتی ڕێنمایی دەداتە ئەو 30 هاوڵاتیەی کە بڕیار وایە وەک مامۆستاو ڕاهێنەر لەسەنتەر و پەیمانگاکانی سەر بە بەڕێوەبەرایەتی چاودێری کەمئەندامان دابمەزرێن.
ڕۆژی پێنجشەممە، 20ـی تەمووزی 2023، بەڕێز بێستون جەبار بەڕێوەبەری گشتی چاودێری و گەشەپێدانی کۆمەڵایەتی سلێمانی بەوەکالەت بە ئامادەبوونی بەڕێزان هیوا ڕەحمان بەرپرسی بەشی یاسا ، گەڵاڵە شکور لێپرسراوی هۆبەی میلاکات لەگەڵ ئەو بەڕێزانە کۆبویەوە کە وەک مامۆستاو ڕاهێنەر لە پەیمانگاو سەنتەرەکانی ئۆتیزم دادەمەزرێن .
کۆبونەوەکە بە مەبەستی پێدانی ڕێنمایی یاسایی و کارگێڕی و شیکردنەوەی بابەتی (یاسای ڕێکاری فەرمانبەرانی دەوڵەت) بوو بۆ زیاتر ئاشنا بوون بە کاری وەزیفی و چۆنیەتی مامەڵە کردن و خزمەت کردن بە منداڵانی خاوەن پێداویستی تایبەت.
بۆ ئەو مەبەستە ئامادەبووان ئامادەییان دەربڕی پێش گەڕانەوەی ڕەزامەندی وەزارەتی دارایی بۆ دامەزراندنیان خۆبەخشانە لە سەنتەری ئۆتیزمی سلێمانی دەست بەکار بن بۆ زیاتر دەوڵەمەند بونی ئەزموونیان لە فەرمانگەکان.
|