ڕۆژی پێنجشەممە، 13ـی تەمووزی 2023، به‌ڕێز بێستون جەبار، به‌ڕێوه‌به‌ری‌ گشتی‌ چاودێری‌‌و گه‌شه‌پێدانی‌ كۆمه‌ڵایه‌تی‌ له‌ پارێزگای‌ سلێمانی‌ بەوەکالەت پێشوازی لە شاندێکی هاوبەشی ڕێکخراوی خۆری ئاشتی و مرۆڤ دۆستان کرد کە پێک هاتبوون لە بەڕێزان هیوا عەبدوڵڵا سەرۆکی ڕێکخراو ئومێد محەمەد جێگر و دڵشاد ناسراو بەرپرسی ڕێکخراوی مرۆڤ دۆستان كرد.

لە دیدارێکدا بەڕێوەبەری گشتی بەوەکالەت کێشە و گرفتەکانی هاوڵاتیان تایبەت بە دەزگا کۆمەڵایەتیەکان و هەژاران و هاوڵاتیانی خاوەن پێداویستی تایبەت بۆ ئامادەبوان لە سنوری کاری بەڕێوەبەرایەتی گشتی ڕوون کردەوە داوای کرد هەموان هاوکار بن لە هاوکاری کردنی هاوڵاتی کەمدەرامەت و سندوقی پشتیوانی کۆمەڵایەتی .

پاشان شاندی میوان سوپاسی خەمخۆری بەڕێوەبەری گشتیان کرد و پشتیوانی خۆیان بۆ هەر پڕۆژەیەکی خێرخوازی و کاری پێکەوەیی لە پێناو خەڵکان و دامەزراوە کۆمەڵایەتیەکان دووپات کردەوە.