سلێمانی / وەزیری کارو کاروباری کۆمەڵایەتی سەردانی ژووری بازرگانی سلێمانی دەکات .
ئەمڕۆ چوار شەممە ، 12ـی تەمووزی 2023 ، بەڕێز خاتوو کوێستان محەمە ، وەزیری کار و کاروباری کۆمەڵایەتی بە هاوڕێیەتی به‌ڕێز بێستوون جەبار بەڕێوەبەری گشتی چاودێری و گەشەپێدانی کۆمەڵایەتی لەپارێزگای سلێمانی بەوەکالەت ،سەردانی ژووری بازرگانی سلێمانی کردو لەلایەن سیروان محەمەد سەرۆکی ژووری بازرگانی پێشوازی کران.
ئامانجی سەردانەکە هەماهەنگی زیاتر بۆ بەرەوپێشچوونی پارێزگای سلێمانی و زەمینە سازی بۆ کۆبوونەوەیەکی فراوان بە ئامادەبوونی سەرمایەدار و کۆمپانیاکان بۆ پاڵپشتی کردن لە سندوقی پشتیوانی کۆمەڵایەتی کە خۆی لە پشتیوانی کردن بۆ دامەزراوە کۆمەڵایەتیەکان و ماڵەکانی سەر بە بەڕێوەبەرایەتی چاودێری کۆمەڵایەتی دەبینێتەوە.
لەو ڕووەوە بەڕێز سەرۆکی ژووری بازرگانی سلێمانی پشتیوانی خۆی بۆ هەر پڕۆژەیەکی لەو جۆرە دەربڕی و بڕیار وایە لە ئایندەیەکی نزیکدا بە سەرۆکایەتی بەڕێز وەزیری کارو کاروباری کۆمەڵایەتی کۆبوونەوەیەک بۆ ئەو مەبەستە ئەنجام بدرێت.
|