بۆ بەدواداچوونی کارەکانیان ئەمڕۆ چوارشەممە، 12ـی تەمووزی 2023، به‌ڕێز خاتوو کوێستان محەمەد وه‌زیری‌ كارو كاروباری‌ كۆمه‌ڵایه‌تی‌ ، به‌ڕێوه‌به‌رایه‌تی‌ گشتی‌ چاودێری‌‌و گه‌شه‌پێدانی‌ كۆمه‌ڵایه‌تی‌ سلێمانی به‌سه‌ركرده‌وه‌و له‌لایه‌ن به‌ڕێز بێستوون جەبار بەڕێوەبەری گشتی چاودێری و گەشەپێدانی کۆمەڵایەتی لەپارێزگای سلێمانی بەوەکالەت پێشوازیكران.

ئامانجی‌ سه‌ردانه‌كه‌ بریتیبوو له‌ به‌دواداچوون بۆ كێشه‌ی‌ هاووڵاتیانی‌ خاوه‌ن پێداویستی‌ تایبه‌ت و بینینه‌وه‌ی‌ هێندێك له‌ ئه‌نجامی‌ ئەو کارانەی پێیان سپێردراوە شێوازی کارکردنیانی لە نزیکەوە بینی.

دواتر بەڕێز وەزیری کاروکاروباری کۆمەڵایەتی بە هاوڕێیەتی بەڕێوەبەری گشتی بەوەکالەت ، سەردانی بەڕێوەبەرایەتی چاودێری کۆمەڵایەتی سلێمانیان کردو خاتوو ژیار جەلال بەڕێوەبەری چاودێری کۆمەڵایەتی پێشوازی لێکردن و ماڵەکانی منداڵانی بەسەرکردەوەو لەگرفت و کێشەکانی منداڵانی پرسیەوەو گوێبیستی بۆچونی منداڵان و کێشەکانیان بوو.

پاشان لە کۆبونەوەیەکدا بەڕێزیان دەست خۆشی لە بەرپرس و کارمەندان کرد و ژمارەیەک ڕێنمایی پێویستی پێدان و لەچۆنیەتی مامەڵە کردن لەگەڵ سودمەندانی ماڵەکان ئاگاداری کردنەوەو هەروەک پێی ڕاگەیاندن کە پێویستە بە وریای و لە منداڵانی خۆیان زیاتر گرنگی بە سودمەندان بدرێت و گرفتەکان چارەسەر بکرێن.