ئەمڕۆ سێشەممە، 1ـی تەمووزی 2023، به‌ڕێز بێستون جەبار، به‌ڕێوه‌به‌ری‌ گشتی‌ چاودێری‌‌و گه‌شه‌پێدانی‌ كۆمه‌ڵایه‌تی‌ له‌ پارێزگای‌ سلێمانی‌ بەوەکالەت بە ئامادەبوونی بەڕێزان هیوا ڕەحمان بەرپرسی بەشی یاسا ، سۆران سەعید بەرپرسی بەشی پارێزگاری خێزان پێشوازی کرد لە بەڕێزان د.زامدار رەسوڵ سەرۆکی لقی سلێمانی سەندیکای پزیشکانی دەروونی کوردستان ، د. دانیڵ سەعدی ئەندامی دەستەی کارگێڕی .

لە دانیشتێکدا بیروڕا ئاڵوگۆڕ کرا لەسەر بارودۆخی توشبووانی ئۆتیزم لە پارێزگای سلێمانی و هەماهەنگی بۆ کاری هاوبەش و پێشخستنی تواناکانی سەنتەر و دیدەنگاکانی تایبەت بە توشبووی ئۆتیزم گفتوگۆی لەبارەوە کران.
بەڕێز بەڕێوەبەری گشتی لەو دیدارەدا ئاماژەیدا بە ڕۆڵی هەردوو بەڕێوەبەرایەتی گشتی و بەڕێوەبەرایەتی گشتی تەندروستی سلێمانی و بەدواداچوون بۆ سەنتەر و کلینکەکانی بینینی توشبوانی ئۆتیزم زیاتر بکرێت و کارەکانیان ڕێک بخرێتەوە.

بڕیار وایە لە داهاتویەکی نزیکدا وۆرک شۆپێک ئەنجام بدرێت تیایدا گرفتەکان و چۆنیەتی ڕێکخستنەوەی سەنتەر و کلینکەکانی تایبەت بە توشبووانی ئۆتیزم چارەسەری پێویست بخرێتە ڕوو.