ڕۆژی دووشەممە، 10ـی تەمووزی 2023، به‌ڕێز بێستون جەبار، به‌ڕێوه‌به‌ری‌ گشتی‌ چاودێری‌‌و گه‌شه‌پێدانی‌ كۆمه‌ڵایه‌تی‌ له‌ پارێزگای‌ سلێمانی‌ بەوەکالەت پێشوازی لە سەرۆك و ئەندامانی سكرتاریەت و سەرۆكی لقی سلێمانی و ئەندامانی لقی كۆمەڵەی كرێ نشینانی كوردستان كرد.

وێڕای بەخێرهاتنیان بەڕێوەبەری گشتی بەوەکالەت کێشە و گرفتەکانی پەیوەندیدار بە هەژاران و هاوڵاتیانی خاوەن پێداویستی تایبەت بۆ ئامادەبوان لە سنوری کاری بەڕێوەبەرایەتی گشتی ڕوون کردەوە و بوونی یەکەی نیشتەجێبوون بۆهەرهەژارێک بە چارەسەرێکی گونجاو وەسف کردوو ، بە پێویستی زانی هەرچی زووە ئەو خێزانانەی کە منداڵی کەمئەندامیان هەیە و کرێچین یەکەی نیشتەجێبوونیان بۆ دابین بکرێت و هیوای هەموو هەوڵێك بدەن بۆ خزمەتكردنی کرێنشینان و هەماهەنگی نێوانیانی بە زەرور زانی وتیشی پێویستە لە ڕێگەی پرۆژەی گونجاوەوە بنیاتی داواكانی كرێنشینان بنرێت كە خۆی لە دابینكردنی شوقە و زەوی دەبینێتەوە لەگەڵ لایەنی پەیوەندیدار کێشەکان باس بکرێت.

پاشان شاندی میوان سوپاسی پاڵپشتی بەڕێوەبەری گشتیان کرد و داوایان کرد پەیوەندییەكانیان لەگەڵ بەڕێوەبەرایەتی گشتی و لایەنەکانی تری پەیوەندیدار فراوان بکەن تا داواکاری کرێچی جێبەجێ بکرێت ، ڕاشیانگەیاند بە هەموو توانایانەوە خزمەتی كرێ نشینان دەکەن.