بەڕێوەبەری گشتی لەگەڵ سەرۆکی شارەوانی سلێمانی کۆدەبێتەوە.
ئەمڕۆ دووشەمە ،3ـی تەمووزی 2023 ، بەڕێز بێستون جەبار بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی بەوەکالەت سەردانی سەرۆکایەتی شارەوانی سلێمانی کردو لەلایەن بەڕێز لەیلا عومەر عەلی سەرۆکی شارەوانی سلێمانی پێشوازی کران.
لە کۆبونەوەیەکدا چەند تەوەرێکی گرنگ گفتووگۆی لەبارەوەکران گرنگترینیان هەماهەنگی زیاتری نێوان هەردوولا و پڕۆژەی یەکەی نیشتەجێبوون بۆ خاوەن پێداویستی تایبەت و دابین کردنی کۆشکی تایبەت بە کارکردن بۆ هاوڵاتیانی خاوەن پێداویستی تایبەت لە بازاڕ و شوێنە گشتیەکان بوو ، تەوەرێکی تری گفتوگۆکان ڕەچاو کردنی بارودۆخی هاوڵاتیانی خاوەن پێداویستی تایبەت و کەمئەندامانە لە دروست کردنی باڵەخانەو پڕۆژەکاندا بەجۆرێک دیزان کردن و دروست کردنی هەر پڕۆژەو بینا و باڵەخانەیەک تەواو گونجاو بێت بۆ ئەو توێژەی کۆمەڵگا.
|