په‌یامی به‌ڕێوه‌به‌ری گشتی به‌بۆنه‌ی جه‌ژنی‌قوربانەوە
بەبۆنەی جه‌ژنی قوربانی پیرۆزه‌وه، بێستون جەبار، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، بەوەکالەت په‌یامێكی پیرۆزبایی ئاراسته‌ی هاووڵاتیان‌و كارمه‌ندان ده‌كات، كه ئه‌مه‌ی خواره‌وه ده‌قه‌كه‌یه‌تی:
به‌ناوی خوای به‌خشنده‌ی میهره‌بان
به‌بۆنه‌ی هاتنەوەی جەژنی قوربان، به‌ناوی به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، جوانترین پیرۆزبایی ئاراسته‌ی خه‌ڵكی كوردستان‌و سه‌رجه‌م هاووڵاتیانی پارێزگای سلێمانی ده‌كه‌م، بەتایبەت هاوڵاتیانی خاوەن پێداویستی تایبەت هیواخوازم خوای گەورە جەژن بکاتە مایەی نەمانی گرفتەکان و خه‌ڵكی كوردستانیش له خێرو خۆشیدا بژین .
هه‌روه‌ها به هه‌لی ده‌زانم پیرۆزبایی‌‌و ده‌ستخۆشییه‌كی گه‌رم ئاراسته‌ی به‌رپرس‌و به‌ڕێوه‌به‌ر‌و كارمه‌ندانی سنوری به‌ڕێوه‌به‌رابه‌رایه‌تییه گشتییه‌كه‌مان بكه‌م كه دڵسۆزانه ئه‌ركه‌كانی خۆیان ڕاده‌په‌ڕێنن له خزمه‌تی هاووڵاتیانی سنوری پارێزگای سلێمانی، به‌تایبه‌ت له خزمه‌تكردنی هاووڵاتیانی خاوه‌ن پێداویستی تایبه‌ت‌و به‌ساڵاچووان‌و په‌ككه‌وته‌كان‌و منداڵه نازداره‌كان‌و هه‌ژاره‌كاندا.
دووباره جه‌ژن له هه‌موو لایه‌ك پیرۆزبێت
براتان
بێستون جەبار
به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی بەوەکالەت.
27ـی 6ـی 2023
|