تیپی تۆپی پێی کورتەباڵاکانی کوردستان بە ئەنجامێکی گەورە بردیەوەو بەڕێوەبەری گشتی ڕێز لە هەردوو تیمەکە دەنێت.
بەسەرپەرشتی بەڕێوەبەرایەتی گشتی و هەماهەنگی کۆمەڵەی کورتەباڵاکانی کوردستان ، ئێوارەی ئەمڕۆ دووشەممە، 26ـی حوزەیرانی 2023، بە ئامادەبوونی بەڕێزان بێستون جەبار ، بەڕێوەبەری گشتی چاودێری و گەشەپێدانی کۆمەڵایەتی سلێمانی بەوەکالەت ، عومەر جەبار ، سەرۆکی گشتی یەکێتی کورتەباڵاکانی کوردستان ، لە یاریگای چیا لە یاریەکی دۆستانەدا تیپی کورتەباڵاکانی کوردستان ڕوبەڕووی تیپی تۆپی پێی هەڵبژاردەی کچانی سلێمانی بویەوە و ئەنجامی یاریەکە 7_3 لە بەرژەوەندی تۆپی پێی کورتەباڵاکانی کوردستان بوو.
پاشکۆتایی هاتنی یاریەکە بەڕێز بەڕێوەبەری گشتی لە وتەیەکدا پیرۆزبایی لە تیپی تۆپی پێی کورتەباڵاکان کردو دەست خۆشی لە هەردوو لا و نابژیوانی یاریەکە کرد و پشتیوانی و پاڵپشتی خۆی بۆ دوپات کردنەوەو خەڵات و ڕێزلێنانی پێ بەخشین و هیوای سەرکەوتنی زیاتری بۆ خواستن.
پاشان بەڕێز عومەر جەبار لە وتەیەکدا سوپاسی بەڕێوەبەری گشتی کرد و ئامادەبوونیان و پاڵپشتییەکانی بەرز نرخاند و هیوای خواست بەڕێوەبەرایەتی گشتی بەردەوام بێت لە پاڵپشتیەکانیان.
|