پڕۆژه‌ی پاراستنی منداڵان به‌رده‌وامه له چالاكییه‌كانی
ڕۆژی دووشه‌ممه، 7ی 11ی 2016، عومه‌ر گوڵپی به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، به هاوڕێیه‌تی سۆران سه‌عید، به‌رپرسی به‌شی پلان‌و هه‌ماهه‌نگی له به‌ڕێوه‌به‌رایه‌ت گشتی، یه‌كێك له چالاكییه ڕۆژانه‌ییه‌كانی پڕۆژه‌ی پاراستنی منداڵ به‌سه‌رپه‌رشتی به‌شی پارێزگاری خێزانی به‌سه‌ركرده‌وه.
له‌و به‌سه‌ركردنه‌وه‌یه‌دا، به‌ڕێوه‌به‌ری گشتی ده‌ستخۆشی له ستافی پڕۆژه‌ی پاراستنی منداڵ كرد له به‌شه‌كانی پاراستنی خێزان‌و پلان‌و هه‌ماهه‌نگی كه كاره‌كانیان له چوارچێوه‌ی پڕۆژه‌ی هاوبه‌شی به‌ڕێوه‌به‌رایه‌تی گشتی‌‌و ڕێكخراوی یونسێفدا بۆ پاڵپشتی منداڵانی ئاواره به باشی ئه‌نجامده‌ده‌ن‌و خه‌مخۆرانه بۆ منداڵ كارده‌كه‌ن، پاشان له گفتوگۆیه‌كدا له‌گه‌ڵ منداڵانی به‌شداربوو گفتوگۆیان له‌باره‌ی بڕگه‌و بابه‌ته‌كانی سیمیناره‌كانه‌وه كرد هه‌روه‌ك به‌ڕێوه‌به‌ری گشتی هانیشیدان ئه‌و ماوه‌یه‌ی له كوردستان ده‌مێننه‌وه به‌هه‌لێك بزانن بۆ فێربوون هاوكات فێربوونی زمانی كوردی، منداڵانی به‌شداربوویش به بایه‌خه‌وه له كار‌و چالاكییه‌كانی پڕۆژه‌كه‌یان ڕوانی‌‌و ده‌ستخۆشییان له توێژه‌ران‌و كارمه‌ندانی چاودێریی‌‌و گه‌شه‌پێدانی كۆمه‌ڵایه‌تی كرد كه ئه‌وانیان له‌بیره‌‌و پاڵپشتی كۆمه‌ڵایه‌تی‌‌و ده‌روونیان ده‌كه‌ن.
|