بەئامادەبوونی نوێنەری به‌ڕێوه‌به‌ری گشتی، دایه‌نگه‌ی گەشەی ناحكومی بۆنه‌یه‌كی تایبه‌تی به ڕۆژی جیهانی كرێكاران ڕێکخست.
ئەمڕۆ دووشەممە، 1ـی5ـی2023، له هۆڵی ڕێکخراوی گەشەپێدانی مەدەنیەت به ئاماده‌بوونی به‌ڕێز مافناس،هیوا ڕەحمان، نوێنەری به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی‌‌و به‌ڕێز سۆران سەعید، به‌رپرسی به‌شی دایه‌نگه‌كان‌و، شیروان مەجید، بەڕێوەبەری کارو دەستەبەری کۆمەڵایەتی ، م.حسام بەرزنجی ، ب.گشتی ڕێکخراوی کیدۆ خاوه‌ن‌و به‌ڕێوه‌به‌رو ستافی دایه‌نگه‌و ژماره‌یه‌ك له مامۆستایانی زانكۆو دایك‌و باوكی منداڵان، دایه‌نگه‌ی گه‌شه‌ی ناحكومی بۆنه‌یه‌كی تایبه‌ت به ڕۆژی جیهانی كرێكاران ڕێكخست‌و ڕێزی له كارمه‌ندو ستافه‌كانی نا.
له‌و بۆنه‌یه‌دا نوێنەری به‌ڕێوه‌به‌ری گشتی وته‌یه‌كی پێشكه‌شكردو له وته‌كه‌یدا ئاماژه‌ی به ئاست‌و توانای دایه‌نگه‌ی گه‌شه کرد ، ئه‌وه‌ش به پشتیوانی ماندووبوونی ستافه‌كانیه‌تی توانیویه‌تی ژینگه‌یه‌كی له‌بارو گونجاو بۆ منداڵان بڕه‌خسێنێت، هه‌ر له وته‌كه‌یدا به‌ڕێز به‌ڕێوه‌به‌ری گشتی ئاماژه‌ی به بایه‌خی ڕه‌گه‌زی ده‌ست‌و بازو و ژیریی و تواناییه‌كان كرد بۆ گه‌شه‌پێدانی هه‌ر دامه‌زراوه‌یه‌ك، له وته‌كه‌یدا به‌ڕێز به‌ڕێوه‌به‌ری گشتی ئاماژه‌شی به‌و كارانه گرنگانه كرد كه له ماوه‌ی ڕابردوودا به‌ڕێوه‌به‌رایه‌تی گشتی ئه‌نجامیداون به له بابه‌تی دروستكردن‌و پابه‌ندكردنی دایه‌نگه‌كان به بوونی گرێبه‌ستی كار به‌جۆرێك ئه‌رك‌و مافی كارمه‌ندو خاوه‌ن كاری تێدا ڕوون بكاته‌وه.
له مه‌راسیمه‌كه‌دا هه‌ریه‌كه له به‌ڕێزان به‌ڕێوه‌به‌ری دایه‌نگه‌و ژمارەیەک کەسایەتی حکومی و کەرتی تایبەت وته‌یان پێشكه‌كردو له باره‌ی بابه‌ته‌كانی لایه‌نی ته‌ندروستی‌‌و په‌روه‌رده‌یی دایه‌نگه‌وه قسه‌یان كرد.
بڕگه‌ی كۆتایی مه‌راسیمه‌كه‌ش بریتیبوو له پێشكه‌شكردن خه‌ڵاتی ڕێزلێنان به كارمه‌ندو ستاف‌و داده‌كانی دایه‌نگه‌ی گه‌شه، هه‌روها وه‌رگرتنی خه‌ڵاتی ڕێزلێنانی دایه‌نگه‌ی گه‌شه بۆ به‌ڕێوبه‌رایه‌تی گشتی‌‌و كارمه‌نده‌كانی له‌به‌رانبه‌ر دڵسۆزانه كاكردنیان ل پاڵپشتی دایه‌نگه‌كاندا.
|