+وێنه: مه‌راسیمی جه‌ژن له كۆمه‌ڵگه‌ی چاودێریی كۆمه‌ڵایه‌تی سلێمانی بەڕێوەچوو.
ئاماده‌بوونی به‌ڕێزان به‌ڕێوه‌به‌ری گشتی‌‌و ژماره‌یه‌ك له به‌رێوه‌به‌رو به‌رپرسانی تری چاودێری كۆمه‌ڵایه‌تی‌‌و كارمه‌نده دڵسۆزه‌كانی كۆمه‌ڵایه‌تی، مه‌راسیمی جه‌ژنی ڕەمەزان له ماڵەکانی منداڵان‌و به‌ساڵاچووان له‌شاری سلێمانی به‌ڕێوه‌چوو.
به ئاماده‌بوونی بەڕێزان م.ئیسماعیل ڕەشید، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی‌‌و خاتوو ژیار جەلال، به‌ڕێوه‌به‌ری چاودێریی كۆمه‌ڵایه‌تی سلێمانی ،خاتوو ڕازاوە میرزا، جێگری بەڕێوەبەر و ژماره‌یه‌ك له توێژه‌رو كارمه‌ندی خانه‌كان، مه‌راسیمی جه‌ژن له ماڵەکانی كوران‌و ساوایان‌و به‌ساڵاچووان به‌ڕێوه‌چوو.
بۆ جه‌ژنی ئه‌مساڵ، بەهەمان بەرنامەی جه‌ژنه‌كانی ڕابردوو، به‌ڕێوه‌به‌ری گشتی به‌رنامه‌یه‌كی تایبه‌تی بۆ سه‌ردانی ماڵەکان و سودمه‌ندانی په‌یڕه‌وكرد و بەشداری لە خەندەو خۆشی منداڵان کردو جەژنانەو خەڵات پێشکەشی سەرجەم سودمەندان کرا.
له بۆنه‌‌و یاده‌كاندا، به‌تایبه‌ت جه‌ژنه‌كانی ره‌مه‌زان‌و قوربان‌و نه‌ورۆز، كارمه‌ند‌و به‌رپرسانی چاودێری كۆمه‌ڵایه‌تی ئاماده‌كاری ده‌كه‌ن بۆ ئه‌وه‌ی هاوشێوه‌ی خێزانه‌كانی كۆمه‌ڵگه دانیشتوانی خانه‌كانیش به‌شداری خێرو خۆشییه‌كانی هاووڵاتیان بكه‌ن.
|