ئەمڕۆ دووشەممە، 17ـی نیسانـی2023، به‌ڕێز م.ئیسماعیل ڕەشید، به‌ڕێوه‌به‌ری‌ گشتی‌ چاودێری‌‌و گه‌شه‌پێدانی‌ كۆمه‌ڵایه‌تی‌ له‌پارێزگای‌ سلێمانی‌، به‌ هاوڕێیه‌تی‌ به‌ڕێز سۆران سەعید، بەرپرسی بەشی دایەنگەکان، دایەنگەی چوارچرای ناحكومی‌ به‌سه‌ركرده‌وه‌.
لەچوارچێوەی ئەو سەردانەدا بەڕێوەبەرایەتی گشتی ڕێزلێنانی بەخشیە کۆمەڵگەی پەروەردەیی سامی حسێن نازم ، لەپای بەشداری کردنیان لە بەهاناوە چونی منداڵانی دایەنگەی چوارچرای نوێی ناحکومی کە لە ماوەی ڕابردودا ئاگر لە دایەنگەکە کەوتەوەو خۆش بەختانەهیچ زینێکی گیانی نەبوو.


له‌ سه‌ردانه‌كه‌یدا به‌ڕێز به‌ڕێوه‌به‌ری‌ گشتی‌‌، هۆبه‌و به‌ش‌و یه‌كه‌ جیاجیاكانی‌ دایه‌نگه‌ی‌ به‌سه‌ركرده‌وه‌و له‌ نزیكه‌وه‌ ژیانی‌ منداڵه‌كان‌و سه‌رجه‌م قۆناغه‌كای‌ مانه‌وه‌و په‌روه‌ده‌و خزمه‌ته‌كانی‌ دایه‌نگه‌ی‌ بینی‌‌و له‌لایه‌ن به‌رێوه‌به‌ری‌ دایه‌نگه‌وه‌ ڕوونكردنه‌وه‌ی‌ پێویست له‌باره‌ی‌ کارەکانیان خرایه‌ ڕوو ..

به‌ڕێوه‌به‌ری‌ گشتی‌ ده‌ستخۆشی‌ له‌ به‌ڕێوه‌به‌رو کارمەندان كرد كه‌ به‌ ئاستێكی‌ زۆر باش خزمه‌تی‌ منداڵه‌كان ده‌كه‌ن‌و پابه‌ندی‌ یاساو ڕێنماییه‌كان‌و به‌رنامه‌ی‌ تایبه‌تیان هه‌یه‌ بۆ گه‌شه‌پێدان به‌ تواناكانی‌ منداڵان ، هه‌روه‌ك ڕێنماییكردن باشتر‌و زیاتر گرنگی‌ به‌ كارو پیشه‌كه‌یان بده‌ن‌و ئاستی‌ ستافه‌كانیان به‌رزكه‌نه‌وه‌و پاراستنی منداڵان و به‌رنامه‌كانیان بۆ په‌روه‌رده‌ی‌ منداڵه‌كان له‌ ڕووكی‌ په‌روه‌رده‌یی‌‌و كۆمه‌ڵایه‌تییه‌وه‌ به‌رزتربكه‌نه‌وه‌.