لەژێر سەرپەرشتی وەزارەتی کار کۆتایی بە ڕاهێنانی 20 خولی پیشەیی هات.
ڕوژی سێشەممە، 11ـی نیسانـی2023، بە ئامادەبوونی بەڕێزان خاتوو کوێستان محەمەد ، وەزیری کارو کاروباری کۆمەڵایەتی، د.هەڤاڵ ابوبکر ، پارێزگاری سلێمانی، م.ئیسماعیل ڕەشید ، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی، جێگری نوێنەری ڕێکخراوی WFP لە عێراق
بەڕێوەبەران و نوێنەری ژووری بازرگانی سلێمانی مەراسیمی کۆتایی و دابەشکردنی بڕوانامە بۆ ۲۰ خولی پیشەیی بۆ ۳۰۰ فێرخواز لە بەڕێوەبەرایەتی ڕاهێنانی پیشەیی سلێمانی بەڕێوەچوو .
خولەکان بە هەماهەنگی لە نێوان بەرێوەبەرایەتی ڕاهێنانی پیشەیی و و ڕێکخراوی WFP کرابونەوە.
تیایدا ٩٦ فێرخواز ڕاستەوخۆ دوای تەواو کردنی خولەکان کاریان بۆ دۆزراوەتەوە و وە سەرجەم فێرخوازان کەلوپەلی پێویستیان لە لایەن ڕێکخراوی ناوبراوەوە بۆ دابین کراوە تا بتوانن لە داهاتودا پڕۆژەی تایبەت بە خۆیان دابمەزرێنن.
|