بەڕێوەبەری گشتی بەوەکالەت دوو دایەنگەی ناحکومی بەسەردەکاتەوە.
بەمەبەستی بەدواداچون و لەنزیکەوە ئاگاداربوونی دۆخی منداڵانی ،بەیانی ئەمڕۆ سێشەممە، 4ـی نیسـانـی2023، به‌ڕێز مافناس هیوا ڕەحمان، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی، بەوەکالەت بە هاوڕێیەتی بەڕێز ، سۆران سەعید ،بەرپرسی بەشی دایەنگەکان ، دایەنگەکانی (جاف تاوەرس و گەشەی) ناحکومی به‌سه‌ركرده‌وه.
له سه‌ردانه‌كه‌یدا به‌ڕێز به‌ڕێوه‌به‌ری گشتی، هۆبه‌و به‌ش‌و یه‌كه جیاجیاكانی هەردوو دایه‌نگه‌کەی بینی و له نزیكه‌وه ژیانی منداڵه‌كان‌و سه‌رجه‌م قۆناغه‌كای مانه‌وه‌و په‌روه‌ده‌و خزمه‌تگوزاریەکانی بینی و جەختی لەسەر دڵنیایی سیستمی غاز و هۆکارەکانی ئاگر کەوتنەوە و ئەوپەڕی سەلامەتی بۆ منداڵان کردەوە .
بەڕێز بەڕێوەبەری گشتی بەوەکالەت ، ده‌ستخۆشی ئاراستەی بەرپرس و کارمەندانی هەردوو دایەنگەی ناوبراو کرد، كه به ئاستێكی زۆر باش خزمه‌تی منداڵه‌كان ده‌كه‌ن‌و پابه‌ندی یاساو ڕێنماییه‌كان‌و به‌رنامه‌ی تایبه‌تیان هه‌یه بۆ گه‌شه‌پێدان به تواناكانی منداڵان ، هه‌روه‌ك ڕێنماییكردن باشتر‌و زیاتر گرنگی به كارو پیشه‌كه‌یان بده‌ن‌و ئاستی ستافه‌كانیان به‌رزكه‌نه‌وه‌و به‌رنامه‌كانیان بۆ په‌روه‌رده‌ی منداڵه‌كان له ڕووكی په‌روه‌رده‌یی‌‌و كۆمه‌ڵایه‌تییه‌وه به‌رزتربكه‌نه‌وه.
|