بەڕێوەبەری گشتی بەوەکالەت دایەنگەی دایکی حکومی بەسەردەکاتەوە.
ئەمڕۆ چوارشەممە، 29ـی ئـــاداری2023، به‌ڕێز مافناس هیوا ڕەحمان، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی، بەوەکالەت دایەنگەی دایکی حکومی به‌سه‌ركرده‌وه.
له سه‌ردانه‌كه‌یدا به‌ڕێز به‌ڕێوه‌به‌ری گشتی، هۆبه‌و به‌ش‌و یه‌كه جیاجیاكانی دایه‌نگه‌کەی بینی و له نزیكه‌وه ژیانی منداڵه‌كان‌و سه‌رجه‌م قۆناغه‌كای مانه‌وه‌و په‌روه‌ده‌و خزمه‌ته‌كانی دایه‌نگه‌ی بینی و پاشان گرفت و کێشەکانی دایەنگەکە گفتوگۆی لەبارەوە کران.
بەڕێز بەڕێوەبەری گشتی بەوەکالەت ، ده‌ستخۆشی له بەڕێز خاتوو بەسۆز تۆفیق، به‌ڕێوه‌به‌رو ستافی دایه‌نگه كرد كه به ئاستێكی زۆر باش خزمه‌تی منداڵه‌كان ده‌كه‌ن‌و پابه‌ندی یاساو ڕێنماییه‌كان‌و به‌رنامه‌ی تایبه‌تیان هه‌یه بۆ گه‌شه‌پێدان به تواناكانی منداڵان له‌و قۆناغه هه‌ستیاره‌ی ته‌مه‌ندا، هه‌روه‌ك ڕێنماییكردن باشتر‌و زیاتر گرنگی به كارو پیشه‌كه‌یان بده‌ن‌و ئاستی ستافه‌كانیان به‌رزكه‌نه‌وه‌و به‌رنامه‌كانیان بۆ په‌روه‌رده‌ی منداڵه‌كان له ڕووكی په‌روه‌رده‌یی‌‌و كۆمه‌ڵایه‌تییه‌وه به‌رزتربكه‌نه‌وه.
دایه‌نگه‌ی ( دایک )، دایه‌نگه‌یه‌كی حكومییه‌‌و بە پێی پێوه‌ره‌كان‌و هه‌ڵسه‌نگاندنه‌كانی به‌ڕێوه‌به‌رایه‌تی گشتی به ئاستێكی زۆر باش ئه‌ژمارده‌كرێت‌و ده‌كه‌وێته ناو پڕۆژەی شاری سپی، لە گەڕەکی قڕگە.
|