بەڕێوه‌به‌ری گشتی سەرپەرشتی کۆبونەوەی ئەنجومەنی دیوانی بەڕێوەبەرایەتی گشتی دەکات.
"جەخت لەسەر پابەند بوون بە دەوامی فەرمی و پلانی بەشەکان بۆ مانگی ڕەمەزان وهەڵس‌و كه‌وت به پێی یاساو ڕێنمایی كرایه‌وه"
ئەمڕۆ دووشەممە،20ـی ئاداری 2023، به‌ڕێز م.ئیسماعیل ڕەشید، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌لایه‌تی له‌پارێزگای سلێمانی، بە ئامادەبوونی بەڕێزان ،شارەزای دارایی و به‌ڕێوه‌به‌ری كارگێڕی دیوان، به‌رپرسانی بەشەکانی پلان و بەدواداچون، دایه‌نگه‌كان، ڕاوێژکاری یاسایی ، سه‌رپه‌رشتیاری پەروەردەیی ، ژمێریاری ، پارێزگاری خێزان، یاسا ، بۆ تاوتوێی پلانی کار لە مانگی ڕەمەزانی پیرۆزدا ، سەرپەرشتی کۆبونەوەی ئەنجومەنی دیوانی بەڕێوەبەرایەتی گشتی کرد.
له‌و كۆبوونه‌وه‌یه‌دا به‌ڕێز به‌ڕێوه‌به‌ری گشتی سوپاس‌و ده‌ستخۆشی ئاراسته‌ی بەڕێز ماف ناس ،ڕێبوار ڕەسول، بەرپرسی بەشی یاسا کرد ، لە ماندوبوونی لە کارەکانی وەک بەرپرسی بەشی یاسا ، دوای ئەوەی لەسەر داوای خۆی دەستی لەپۆستی بەرپرسی بەشی یاسا ترازاند، پاشان سوپاسی ئامادەبووانی کرد كه زۆر به كارایانه ئه‌ركی سه‌رپه‌رشتی‌‌و چاودێری‌‌و به‌دواداچوونی كاری دامه‌زراوه حكومی‌‌و ناحكومییه‌كان ڕاده‌په‌ڕێنن، هه‌روه‌ها ده‌ستخۆشی لێكردن كه له ئه‌نجامی كاركردنی ئه‌واندا چه‌ندین كه‌م‌و كورتی ڕاستكراونه‌ته‌وه كه ده‌چنه بواری جێ به‌جێكردنی یاساو ڕێنماییه‌كان .
هەروەها بەڕێز بەڕێوەبەری گشتی بنه‌ما سه‌ره‌كییه‌كانی كاری دامەزراوە کۆمەڵایەتیەکان وه‌بیری ئاماده‌بووان هێنایه‌وه كه بریتین له كاركردن به پێی بنه‌ماكانی (یاساو ڕێنماییه‌كان)و به‌دیهێنانی دادگه‌ری‌‌و یه‌كسانی له ڕاپه‌ڕاندنی ئه‌ركه‌كان‌و پاراستنی مافی سودمه‌ندان.
هه‌ر له‌و كۆبوونه‌وه‌یه‌دا گفتوگۆی چەند تەوەرێک کرا کە خۆی لە پلانی کارکردن لە مانگی ڕەمەزانی پیرۆز و پاند بوون بە کاتەکانی دەوام و کارە خێرخوازیەکان بۆ مانگی ڕەمەزان دەبینێتەوە.
|