به‌ڕێوه‌به‌ری گشتی سه‌ردانی ژووری بازرگانی‌‌و پیشه‌سازی سلێمانی ده‌كات
ڕۆژی چوارشه‌ممه، 2ی 11ی 2016، عومه‌ر عه‌بدوڵڵا گوڵپی، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، سه‌ردانی ژووری بازرگانی‌‌و پیشه‌سازی سلێمانی كردو له‌لایه‌ن سیروان موحه‌ممه‌د، سه‌رۆكی ژووری بازرگانی‌‌و پیشه‌سازی سلێمانی‌‌و ئه‌ندامانی ئه‌نجومه‌نی ژووری بارزگانی‌‌و پیشه‌سازی سلێمانییه‌وه پێشوازی لێكرا.
ئامانجی سه‌ردانه‌كه بریتیبوو له به‌هێزكردنی په‌یوه‌ندی‌‌و ناساندنی سندوقی هاوكاریی كۆمه‌ڵایه‌تی به بازرگانانی سنوری پارێزگای سلێمانی، كه سندوقێكی خێرییه‌و تایبه‌ته به هاوكاریكردنی منداڵانی بێ سه‌رپه‌رشت‌و به‌ساڵاچاووان‌و به‌پێی ڕێنمایی وه‌زاره‌تی دارایی‌‌و بنه‌ما ژمێریارییه‌كان به‌ڕێوه ده‌چێت، سه‌ردانه‌كه‌ش مایه‌ی خۆشحاڵی سه‌ررۆك‌و ئه‌ندامانی ژووری بازرگانی سلێمانی بوو و ده‌ستخۆشییان له دامه‌زراوه كۆمه‌ڵایه‌تییه‌كان كرد كه له خزمه‌تكردنی هاووڵاتیاندا به‌رده‌وامن.
له‌و سه‌ردانه‌دا، هه‌ریه‌كه له ڕێبوار ره‌سوڵ، به‌رپرسی به‌شی یاسا‌و پرشنگ كه‌ریم، به‌رپرسی هۆبه‌ی په‌یوه‌ندییه‌كان له دیوانی به‌ڕێوه‌به‌رایه‌تی گشتی، هاوڕێی به‌ڕێوه‌به‌ری گشتی بوون.
|