ئەمڕۆ یەکشەممە ،22ـی کانوونی دووەمی2023، بەڕێز م.ئیسماعیل ڕەشید، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی، سردانی لقی سلێمانی سەندیکای کرێکارانی کوردستانی کرد و لە لایەن سەرۆکی لق و کارگێڕی سەندیکای شۆفێران پێشوازی کران.

مەبەستی سەردانەکە دەست خۆشی لە سەندیکای ناوبراو بوو لەهەوڵەکانیان بۆ ئاسنکاری هاتووچۆی قوتابیان و سودمەندانی سەنتەر و پەیمانگەکانی سەر بە بەڕێوەبەرایەتی چاودێری کەمئەندامان و هەماهەنگی زیاتر لە ساڵی ئایندە ،لەو بارەوە بەڕێز بەڕێوەبەری گشتی هەوڵەکانی سەندیکای بەرز نرخاند و ڕایگەیاند هەر هەوڵێک بۆ هاوکاری منداڵان و کەسانی خاوەن پێداویستی تایبەت بە پیرۆز و گرنگ زانی و سوپاسی بەڕێوەبەرو ئەندامانی لقی سلێمانی سەندیکا کرد.

ئەوەی جێگای باسە سەندیکای ناوبراو لە ماوەی ڕابردوودا ئامادەیان دەربڕی لە هاوکاری کردنی قوتابیان و سودمەندان و پشنتیوانی خۆشیان بۆ هەر هەوڵێکی لەوجۆرە دوپات کردەوە.