ڕۆژی پێنجشەممە، 23ـی کانوونـی یەکەمـی2022، به‌ سه‌رپه‌رشتی‌ به‌ڕێز م.ئیسماعیل ڕەشید، به‌ڕێوه‌به‌ری‌ گشتی‌ چاودێری‌‌و گه‌شه‌پێدانی‌ كۆمه‌ڵایه‌تی‌ له‌ پارێزگای‌ سلێمانی‌‌، ئامادەبوونی به‌ڕێزان، شارەزای دارایی، به‌ڕێوه‌به‌ری‌ كارگێڕی‌ دیوان و به‌رپرسی‌ به‌شه‌كان، كۆبوونه‌وه‌یه‌كی‌ تایبه‌ت بە په‌ره‌پێدان به‌ كاری پڕۆژە هاوبەشەکانی بەڕێوەبەرایەتی گشتی به‌ڕێوه‌چوو.

سەرەتا بەڕێز بەڕێوەبەری گشتی لەوتەیەکدا کارەکانی هەردو پڕۆژەکانی (پاڵپشتی دەرونی و کۆمەڵایەتی ) ( پاراستنی مافەکانی ژنان و بەهێزکردنیان) بە گرنگ وەسف کردو سوپاسی ڕێکخەرو ستافکانی کرد کە توانیویانە ڕۆڵی گەورە لە چارەرەسەرکردنی گرفتەکانی منداڵان و ژنان و کچان لە پارێزگای سلێمانی بگێڕن .

پاشان گفتوگۆ دەربارەی ئەداو کارکردنی ستافەکان و بەشداری کردنی فەرمانبەری پسپۆڕ و کارامە لە پڕۆژەکان کراو بڕیاردرا بە دانانی میکانزمێکی نوێ بۆ ساڵی ئایندە و چارەسەری گرفتەکانی پڕۆژەکە بکرێت و دەوام و کارەکانی سەرجەم ستافەکانی بەشدار لە پڕۆژەکان ڕێکبخرێتەوە و له‌و باره‌شه‌وه‌ ڕێوشوێنی‌ پێویست بۆ چاره‌سه‌ری‌ كێشه‌كان دەگیرێتە به‌ر.