ڕۆژی دووشەممە، 12ـی12ـی2022،بەڕێزان م،ئیسماعیل ڕەشید ،بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی ، ئاراس ناصر ، بەرپرسی پارێزگاری خێزان،بەشداریان کرد لە گفتگۆیەکی کراوە لەسەر كاریگەری ڕاگەیاندن لەبەرەنگاربوونەوەی توندوتیژی لەسەر بنەمای جۆری كۆمەڵایەتی .

گفتوگۆکان لەچوارچێوەی هەڵمەتی نیشتمانی (16) ڕۆژەی بەرەنگاربوونەوەی توندوتیژی دژی ئافرەتان لەهەرێمی كوردستاندا و، لەهۆتیل رامادا ، بەئامادەبوونی ژمارەیەک لەبەرپرسی كارگێڕی‌و میدیایی‌و دەزگاكانی ڕاگەیاندن‌و ناوەندە ئەكادیمیەكان‌ و لایەنی پەیوەندیدار بەڕێوەچوو، کە بەڕێوەبەرایەتی بەرەنگار بونەوەی توندوتیژی دژی ژنان و بە هاوكاری ڕێكخراوی (UNHCR)
لەسەر (كاریگەری ڕاگەیاندن لەبەرەنگاربوونەوەی توندوتیژی لەسەر بنەمای جۆری كۆمەڵایەتی )سازدرا.

پاش خوێندنەوەی وتاری بەرێوەبەرایەتی‌و ڕێكخراوی (UNHCR) دەستیپێكرد.

دواتر چوار توێژینەوەی ئەكادیمی لەسەر(خوێندنەوەیەكی ئاماریانە بۆ ڕووداوەكانی توندوتیژی لەماوەی ساڵانی (2020-2022) ، (ڕۆڵی ڕاگەیاندن لەزیادكردن‌و كەمكردنەوەی توندوتیژییە خێزانییەكان) ،( توندوتیژی لەڕێگەی ئامێرەكانی پەیوەندیكردن نمونەیەك لەناو (پەنابەران‌و خانە خوێ‌) ڕۆڵی بەكارهێنانی سۆشیاڵ میدیا لەكەمكردنەوەی توندوتیژی) بۆ ئامادەبووان خرایەڕوو.
بە خستنەڕووی تێبینی‌و سەرنج‌و پرسیارو وەڵام‌و نوسینی ڕاسپاردەكان لەلایەن ئامادەبووانەوە كۆتایی بە گفتوگۆکە هات.