دیوانی بەڕێوەبەرایەتی گشتی کۆبوونەوەی ئاسایی خۆی بەڕێوەبردوو ئامادەکاری بۆ پلانی ساڵی(2023) دەکات
ئەمڕۆ یەکشه‌ممه، 11ـی، کانونی یەکەمـی2022، به‌سه‌رپه‌رشتی به‌ڕێز م.ئیسماعیل ڕەشید، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی‌‌و ئاماده‌بوونی به‌ڕێزان شاره‌زایانی دارایی دیوان‌و به‌ڕێوه‌به‌ری كارگێڕی‌‌و به‌رپرسی به‌ش‌و هۆبه په‌یوه‌ندیداره‌كان، ئه‌نجومه‌نی دیوانی به‌ڕێوه‌به‌رایه‌تی گشتی كۆبونه‌وه‌ی ئاسایی خۆی به‌ڕێوه‌برد .
ته‌وه‌ری سه‌ره‌كی كۆبوونه‌وه‌كه بریتبوو له ئامادەکاری و گفتوگۆی بڕگەکانی پلانی دیوانی به‌ڕێوه‌به‌رایه‌تی گشتی بۆ ساڵی 2023 و تیایدا سه‌رجه‌م ئەوپێشنیارو بڕگانەی بەرپرسی بەش و هۆبەکان ئامادەیان کردبوو تاوتوێكران.
بەڕێز بەڕێوەبەری گشتی لە وتەیەکدا سوپاس‌و ده‌ستخۆشی خۆی ئاراسته‌ی سه‌رجه‌م به‌رپرس‌و كارمه‌ندانی سنوری به‌ڕێوه‌به‌رایه‌تی گشتی كرد كه له ساڵی 2022دا به‌شێوه‌یه‌كی زۆر باش كاره‌كانیان ئه‌نجامداوه، هه‌روه‌ها جه‌ختی كرده‌وه له‌سه‌ر كاركردن بە سیستمێکی باشتر له ساڵی 2023 دا به‌جۆرێك ئامانجه‌كانی دامه‌زراوه‌ی كۆمه‌ڵایه‌تی باشتر جێ به‌جێببكرێن‌و ئاستی خزمه‌تگوزارییه‌كان به‌رزتر بكه‌ینه‌وه به پێی ئه‌و ئه‌رك‌و ده‌سه‌ڵاته‌ی له ئه‌ستۆی به‌ڕێوه‌به‌رایه‌تی گشتیه.
پلانی دیوانی به‌ڕێوه‌به‌رایه‌تی گشتی بۆ ساڵی(2023) خۆی لە به‌رنامه‌ی جۆراو جۆر لە هەموو بوارەکانی کاری کۆمەڵایەتی‌‌و هونەری‌‌و ژمێریاری‌‌و دارایی‌‌و کارگێڕی‌دەبینێتەوە، کارکردن بۆ جێبەجێ کردنی به پێی قه‌باره‌ی پلانه‌كه‌و تێچوو و ئه‌و پرۆسه كارگێڕی‌‌و دارایی‌‌و هونه‌رییه‌ی پێویستیه‌تی قه‌باره‌ی ئه‌و ئامانجانه‌ی به‌ده‌ستی ده‌هێنێت.
هه‌ر له كۆبوونه‌وه‌كه‌دا بڕیاردرا:
1ـ له سه‌ره‌تای مانگی یه‌كه‌می ساڵی 2023 پلانی ساڵانه‌ی دیوانی به‌ڕێوه‌به‌رایه‌تی گشتی دابڕێژرێت‌و به‌شه‌كان پابه‌ندی ئاماده‌كردنی پلان بن به هاوكاری به‌شی پلان.
2ـ پێویستە سەرجەم فەرمانگەکان هەستن بە داڕشتنی پلانی زانستیانه‌ی پیشه‌ییانه‌ی واقیعیانه، به ڕه‌چاوكردنی دۆخی توانا مرۆیی‌‌و ماددییه‌كانی فه‌رمانگه‌كان.
3- بەپێی ڕێژەی لەدایک بونی منداڵ لە پارێزگای سلێمانی پلانێک بۆ دروست کردنی دایەنگەی نوێی حکومی .
4- پلانی دروست کردنی ژمارەیەک لەسەنتەر و پەیمانگە بۆ منداڵانی ئۆتیزم و خاوەن پێداویستی تایبەت.