سەرۆک کۆماری عێراق پێشوازی لە ژمارەیەک لە بەڕێوەبەرە گشتیەکانی فەرمانگەکانی سلێمانی کرد.
ڕۆژی شەممە ،22ـی تشرینـی یەکەمی 2022 دکتۆر لەتیف رەشید سەرۆک کۆماری عێراق ، پێشوازی لە ژمارەیەک لە بەڕێوەبەرە گشتیەکانی فەرمانگەکانی پارێزگای سلێمانی کرد
لە دیدارێکدا کە بەڕێز م.ئیسماعیل ڕەشید، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی ئامادەی بوو، پیرۆزبایی خۆیان ئاراستەی بەڕێز د. لەتیف رەشید کرد، بە بۆنەی هەڵبژاردنی وەک سەرۆک کۆمار، هیوایان خواست سەرکەوتوو بێت لە کارەکانیدا بۆ بەدیهێنانی خواست و ویستی گەلی عێراق.
سه‌رۆك كۆمار سوپاس و پێزانینی خۆی بۆ ئامادەبوان ده‌ربڕی و ستایشی هه‌وڵ و پلانی به‌ڕێوه‌به‌رایه‌تییه گشتییه‌كانی كرد له پێشكه‌شكردنی خزمه‌تگوزارییه‌كان به هاوڵاتیان، جه‌ختیشی کردەوە له پێویستی یه‌كخستنی هه‌وڵ و بۆچونەکان به مه‌به‌ستی هێنانەدی ویستی هاووڵاتیان و باشترکردنی بارودۆخی ژیان و خزمەتگوزارییان و بەدەستهێنانی ژیانێکی شکۆمەند..
|