له سه‌نته‌ری ڕۆشنای نابینایان، ڕۆژی جیهانی برایل به‌رز ڕاگیرا
ڕۆژی دووشه‌ممه، 4ی كانونی دووه‌می 2016، به‌بۆنه‌ی ڕۆژی جیهانی نووسینی زبر (برایل)ی تایبه‌ت به نابینایانه‌وه، به ئاماده‌بوونی عومه‌ر گوڵپی به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی‌‌و ئاشتی نوری به‌ڕێوه‌به‌ری چاودێریی كه‌مئه‌ندامان‌و ژماره‌یه‌ك له ڕێكخراوه‌كانی كه‌مئه‌ندامان‌و به‌رپرسانی چاودێریی كۆمه‌ڵایه‌تی ئاهه‌نگێك له سه‌نته‌ری ڕۆشنای نابینایان به‌ڕێوه‌چوو .
له ئاهه‌نگه‌كه‌دا سه‌ره‌ڕای پێشكه‌شكردنی وته‌ی م.عوسمان لێپرسراوی سه‌نته‌ر وته‌ی م.پشتیوان كه مامۆستای زمانی برایله له سه‌نته‌ر پێشكه‌شكرا، هه‌روه‌ها له‌لایه‌ن قوتابیان‌و مامۆستایانی په‌یمانگای ڕووناكی نابینایانه‌وه چالاكی هونه‌ری پێشكه‌شكراو پاشان خه‌ڵات به‌سه‌ر ژماره‌یه‌ك له هاووڵاتیان‌و مامۆستایانی نابینا دابه‌شكرا كه هه‌موو قورئانی پیرۆزیان له‌به‌ره یان ده‌توانن به زمانی برایل قورئانی پیرۆز بخوێننه‌وه ، خه‌ڵاته‌كانیش له‌لایه‌ن كۆمپانیای كۆڕه‌كه‌وه ئاماده‌كرابوون .
لویس برایل: زانایه‌كی فه‌رنسییه‌و خۆی نابینابووه‌و داهێنه‌ری نووسینێكی تایبه‌ته به نابینایان كه به‌هۆیه‌وه نابینیان ده‌توانن بخوێننه‌وه‌و بنوسن، به‌بۆنه‌ی له دایكبوونییه‌وه ساڵانه بۆنه‌و ئاهه‌نگی تایبه‌ت ڕێكده‌خرێت .
 
|