ئەمڕۆ یەکشەممە،16ـی تشرینی یەکەمـی2022، بەڕێز م.ئیسماعیل ڕەشید، به‌رێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی لە پارێزگای سلێمانی ،بە هاوڕێیەتی ژمارەیەک لە بەرپرسانی دیوانی بەڕێوەبەرایەتی گشتی ، سەردانی ڕێکخراوی چالاکی لاوان (YAO) ی کردو لەلایەن بەڕێز عەتا عەزیز ، بەرپرسی ڕێکخراو پێشوازی کران.

مەبەستی سەردانەکە هەماهەنگی زیاتر لە نێوان ڕێکخراوی ناوبراو و بەڕێوەبەرایەتی گشتی و کاری هاوبەش بۆ لە پێناو چارەسەر کردنی کێشەو گرفتەکانی گەنجان وهەروەها گفتوگۆ دەربارەی سەنتەرو پەیمانگاکانی سەر بە بەڕێوەبەرایەتی گشتی کرا.
بەرپرسی ڕێکخراوی (YAO) سوپاسی بەڕێز بەڕێوەبەری گشتی کرد کە هەمیشە هاوکار بوون لەکارەکانیان و پاڵپشتی و پشتیوانی بەڕێزیان بەرز نرخاند.

ئەوەی شایەنی باسە ڕێکخراوی ناوبراو چەندین پڕۆژەی لە بوارەکانی گەنجان و لاواندا پێشکەش کردووەو لەڕێی خول و سیمنار و دابین کردنی پێداویستیەکانی قوتابخانە خزمەت بە چین و توێژە جیاوازەکان دەکات.