عێراق بۆ سوود وەرگرتن لە ئەزموونی هەرێمی کوردستان بەتایبەتی لە پرۆژەی ماڵی داڵدەدانی ژنانی هەڕەشەلێکراو و پرسە گرنگەکانی سێکتەری کۆمەڵایەتی ، شاندێک دەنێرێتە هەرێمی کوردستان.

ڕۆژی سێشەممە ،11ـی تشرینی یەکەمی 2022، بەڕێز م. ئیسماعیل ڕەشید ، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی ، بە ئامادەبوونی بەڕێز شاسوار صدیق، بەرپرسی پڕۆژەی یەکسانی جێندەری و بەهێزکردنی ژنان ، پێشوازی کرد لە شاندێکی حکومەتی عێراقی فیدراڵ کە لە 5 پارێزگای باشورو ناوەڕاستی عێراق و تیمێکی ڕێکخراوی (UNFPA) ،کە بە هەماهەنگی ڕێکخراوی ناوبراو و سود وەرگرتن لە ئەزمونی هەرێمی کوردستان دەیانەوێت لە 5 پارێزگای عێراق ماڵی داڵدەدانی ژنانی هەڕەشەلێکراو بکرێتەوە .

پاش بەخێرهاتنی شاندی میوان بەڕێز بەڕێوەبەری گشتی لە وتەیەکدا پوختەیەکی دەربارەی ماڵی داڵدەدانی ژنانی هەڕەشەلێکراو لە پارێزگای سلێمانی بۆ ئامادەبوان خستە ڕوو ،ئامادەیی بەڕێوەبەرایەتی گشتی بۆ هاوکاری کردنی بەڕێوەبەرایەتیە گشتیەکانی باشور و ناوەڕاستی عێراق بۆ سوود وەرگرتن لە ئەزموون و تواناکانی پیشاندا تا هاوڵاتیانی عێراق لەو پڕۆژەیە سودمەند بن.

پاشان لە لایەن ئامادەبوان ڕاو پێشنیاری جیاواز گەڵاڵە کراو بڕیاردرا هەماهەنگی تەواو هەبێت بۆ زیاتر برەودان بە پرسی ژنان و ئامادەبوان سوپاسی بەڕێز بەڕێوەبەری گشتیان کرد بۆ ڕونکردنەوەو ڕێنمایەکانی و دواتر شاندی میوان سەردانی ماڵی داڵدەدانی هەڕەشەلێکراوی سلێمانیان کرد بۆ وەرگرتنی زانیاری زیاتر لەو بارەیەوە.