ڕۆژی دووشەممە ، 10ـی تشرینی دووەمـی2022 ، بەڕێز م. ئیسماعیل ڕەشید بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی، بە ئامادەبوونی بەڕێزان ،خاتوو نوخشە ڕەسول ، بەڕێوەبەری کارگێڕی ، مافناس هیوا ڕەحمان، ڕاوێژکاری یاسایی ، لەگەڵ بەرپرس و کارمەندانی یەکەی پەڕاوگە لە دیوانی بەڕێوەبەرایەتی گشتی کۆبویەوە.

لە کۆبونەوەکەدا بەڕێز بەڕێوەبەری گشتی دەست خۆشی لە بەڕێز غەریب مصتەفا محەمەد بەرپرسی یەکەو فەرمانبەرانی کرد و پاشان گفتوگۆ دەربارەی کێشەو گرفتەکانی یەکەکە کرا و بەڕێز بەڕێوەبەری گشتی جەختی لەسەر زوو بەڕێکردنی کاری هاوڵاتیان و پاراستنی نهێنی هۆبەکەو نەهێشتنی کەموکوڕیەکان کردو گوێی لە داواکانیان گرت.

لە بەشێکی تری کۆبونەوەکەدا بەڕێز مافناس هیوا ڕەحمان ژمارەیەک ڕێنمای پێویستی لەسەر ڕێککاری فەرمانبەرانی دەوڵەت و ئەو ئەرکانەی لەسەریانە پێدان.

لەبەرامبەریشدا فەرمانبەرانی هۆبەکە ، سوپاسی بەڕێوەبەری گشتیان کرد کە بەردەوام هاوکار و پاڵپشتیان بووە و بەڵێنیان دا زیاتر سور بن لەسەر خزمەت کردن.