رێژه‌ی ده‌رچوون له په‌یمانگای ڕوناکی لەسەدا سەد و لە پەیمانگای هیوای نابیستان لەسەدا هەشتا بوو.
قوتابیانی پەیمانگەی هیوای نابیستان و پەیمانگەی رووناكی بۆ نابینایان به‌سه‌ركه‌وتووی توانیان قۆناغی خوێندنی ئه‌مساڵ كۆتایی پێ بهێنن و رێژه‌ی ده‌رچوون لە پەیمانگای ڕوناکی له‌سه‌دا سه‌د و لە پەیمانگای هیوای نابیستان لەسەدا هەشتا بوو.
به‌رێوه‌به‌رایه‌تی گشتی چاودێری و گه‌شه‌پێدانی كۆمه‌لاَیه‌تی له پارێزگای سلێمانی - به‌رێوه‌به‌رایه‌تی چاودێری كه‌م ئه‌ندامان كه هه‌ردوو په‌یمانگای هیوا و رووناكی‌له خۆ ده‌گرێت و خاوه‌نی چه‌ند قوتابیه‌كن له تاقیكردنه‌وه‌ی كۆتایی ساڵ به‌سه‌ركه‌وتووی توانیان قۆناغێكی گرنگ ببڕن.
به‌رێز مامۆستا هیوا سەعید ،سه‌رپه‌رشتیاری په‌روه‌رده‌یی له دیوانی به‌رێوه‌به‌ریه‌تی گشتی چاودێری و گه‌شه‌پێدانی كۆمه‌ڵایه‌تی له پارێزگای سلێمانی، به ماڵپه‌ری به‌رێوه‌به‌رایه‌تی گشتیمانی راگه‌یاند: ئێمه له په‌یمانگای رووناكی بۆ نابینایان (16) قوتابیمان هه‌بوو رێژه‌ی ده‌رچوون تێدا له‌سه‌دا سه‌د بوو كه هه‌ر (16) قوتابیه‌كه توانیویان به سه‌ركه‌وتووی ده‌رچن, له په‌یمانگای هیوای نابیستان (60) قوتابیمان هه‌بوو (48) توانیویانه‌به‌سه‌ركه‌وتوی تاقیكردنه‌وه‌كان كۆتایی پێ بهێنن و رێژه‌ی ده‌رچوون له‌سه‌دا هەشتا بووه.
به‌رێز مامۆستا هیوا سەعید ،سه‌رپه‌رشتیاری په‌روه‌رده‌ی ووتی : ده‌ست خۆشیمان بۆ مامۆستایان و كارماندان و كه‌س وكار و خێزانی قوتابیان هه‌یه كه هاوكار بوون بۆ سه‌رخستنی قوتابیه‌كانیان ,سه‌رپه‌رشتیاری په‌روه‌رده‌ی له‌كۆتایی ووته‌كانی رایگه‌یاند : كه قوتابیان ده‌توانن له په‌یمانگا پیشه‌یه‌كان درێژه به‌خوێندن بده‌ن.
|