ڕاهێنانێكی تایبه‌ت به توێژه‌ران به‌سه‌ركه‌وتوویی كۆتاییهات
له مه‌راسیمێكدا كه ئه‌مڕۆ له دیوانی به‌ڕێوه‌به‌رایه‌تی گشتی به‌ڕێوه‌چوو، كۆتایی به خولێكی ڕاهێنانی تایبه‌ت به توێژه‌رانی هێنراو بڕوانامه به‌خشرایه به‌شداربووان.
ڕۆژی سێشه‌ممه، 4ی 10ی 2016، به ئاماده‌بوونی هه‌ریه‌كه له عومه‌ر گوڵپی، به‌ڕێوه‌به‌ری گشتی‌‌و ئه‌ڵوه‌ن عه‌بدولغه‌فوور، یاریده‌ده‌ری به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌لایه‌تی له پارێزگای سلێمانی‌‌و دكتۆره عالیه فه‌ره‌ج مامۆستای زانكۆ ڕاهێنهرو ژماره‌یه‌ك له به‌رپرسانی دیوانی به‌ڕێوه‌به‌رایه‌تی گشتی‌‌و مه‌ریوان كه‌مال، نوێنه‌ری وه‌زاره‌تی كارو كاروباری كۆمه‌ڵایه‌تی، مه‌راسیمێكی تایبه‌ت به كۆتایهاتن‌و سه‌ركه‌وتنی ڕاهێنانێكی تایبه‌ت به توێژه‌رانی كۆمه‌ڵایه‌تی‌‌و ده‌روونی شه‌ڵته‌ره‌كان به‌ڕێوه‌چوو.
له مه‌راسیمی ئه‌و ڕاهێنانه‌دا كه به‌شی پلان‌و هه‌ماهه‌نگی پیێی هه‌ستابوو، سۆران حه‌مه‌سه‌عید، به‌رپرسی به‌شی پلان وته‌یه‌كی له‌باره‌ی ناوه‌ڕۆكی ڕاهێنانه‌كه پێشكه‌شكرد، هه‌روه‌ها به‌ڕێوه‌به‌ری گشتی له وته‌یه‌یدا ده‌ستخۆشی له هه‌موو ئه‌و به‌ڕێزانه كرد به‌شداربوون له سه‌رخستنی ڕاهێنانه‌كه‌و پیرۆزباییشی له توێژه‌رانی ڕاهێنراو كرد، له‌لایه‌ی خۆشییه‌وه د.عالیه فه‌ره‌ج ڕاهێنهرو مامۆستای زانكۆ به كورتی باسی له ناوه‌ڕۆكی ڕاهێنانه‌كه‌و گرنگی په‌ره‌پێدانی توانای كادیرای دامه‌زراوه كۆمه‌ڵایه‌تییه‌كان كرد.
شایانی باسه، ڕاهێنانه‌كه به‌هه‌ماهه‌نكی هه‌ردوو وه‌زاره‌تی كارو كاروباری كۆمه‌ڵایه‌تی‌‌و حه‌وت ڕۆژی خایاندو له كۆتایی مه‌راسیمه‌كه‌شدا، بڕوانامه به‌سه‌ر به‌شداربوواندا دابه‌ش كرا.
|