لیژنه‌كانی پیاچوونه‌وه‌ی لیستی خاوه‌ن پێداویستی تایبه‌ت به‌رده‌وام ده‌بن
ڕۆژی دووشه‌ممه، 3ی 10ی 2016، به ئاماده‌بوونی عومه‌ر گوڵپی، به‌رێوه‌به‌ری گشتی‌‌و ئاشتی ئیبراهیم، یاریده‌ده‌ری به‌ڕێوه‌به‌ری گشتی‌‌و سه‌رۆكی لیژنه‌ی باڵای پیاچوونه‌وه‌ی لیسته‌كانی خاوه‌ن پێداویستی تایبه‌ت له سنوری به‌رێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی كۆبوونه‌وه‌یه‌كی تایبه‌تی گرێدا.
له‌و كۆبوونه‌وه‌یه‌دا به‌ڕێوه‌به‌ری گشتی سوپاس‌و ده‌ستخۆشی ئاراسته‌ی به‌ڕێوه‌به‌رێتییه‌كان‌و كارمه‌نده‌كانیان كرد كه دڵسۆزانه كاره‌كانیان ڕاده‌په‌ڕێنن، هه‌روه‌ك هیوای خواست ئه‌و به‌شه كه‌مه‌ی له كاری سه‌ره‌كی ئه‌وان ماوه به هه‌ما سه‌ركه‌وتن‌و گوڕوتینه‌وه ئه‌نجامی بده‌ن، به‌تایبه‌ت پڕكردنه‌وه‌ی فۆرمه‌كان ده‌بێته هۆی ئه‌وه‌ی دامه‌زراوه كۆمه‌ڵایه‌تییه‌كان داتاو زانیارییه‌كی باشی هاووڵاتیانی خاوه‌ن پێداویستی تایبه‌تیان له‌به‌رده‌ستدا بێت تا هه‌ركات ویسترا به‌شێك له پێشخستنی سیستمی به‌ڕێوه‌بردن له وه‌زاره‌تی كاردا.
له به‌شێكی تری كۆبوونه‌وه‌كه‌دا كاری پێشوو هه‌ڵسه‌نگاندنی بۆ كرا، هه‌روه‌ها كه‌م‌و كوڕییه‌كان خرانه ڕوو، چاره‌سه‌ری پێویستیش بڕیاری پێویستی لێدرا، له‌لایه‌كی تره‌وه به كۆیده‌نگ بڕیاردرا بڕی ته‌رخانكراوی پاداشتی كاری لیژنه‌كان به شێوه‌ی پشكی ژماره‌ی ناوی سودمه‌ندانی لیسته‌كان‌و فۆرمه پڕكراوه‌كان دابه‌شبكرێت.
له كۆتاییدا كۆبوونه‌وه‌كه جه‌ختی له‌دڵسۆزی زیاتر، هه‌ماهه‌نگی باشترو به‌رده‌وامی پرۆسه‌كه‌ی كرده‌وه.
|