"بە دروشمی دەرخستنی توانا شاراوەكان پەیمانگاى ئاوات بۆ پەروەردەى مێشک پێشانگاى ساڵانەى خۆى دەکاتەوە
بەرێوەبەری گشتی: بەرنامەی باشتر بەڕێوە دەبەین بۆ پێشخستنی پەیمانگاکانی ڕاهێنانی منداڵانی خاوەن پێداویستی تایبەت
ئەمڕۆ چوارشه‌ممه، 11ـی ئـایـارـی2022، به ئاماده‌بوونی به‌ڕێز م.ئیسماعیل ڕەشید ، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی‌‌و به‌ڕێزان لەتیف شێخ عەزیز، به‌ڕێوه‌به‌ری چاودێری كه‌مئه‌ندامانی سلێمانی‌‌و خاتوو نوخشە رەسول ، بەڕێوەبەری كارگێڕی و ئاراس ناصر ، بەرپرسی پارێزگاری خێزان ،هیوا سه‌عید، سه‌رپه‌رشتیاری پەروەردەیی، خاتوو ژیار جەلال ، بەڕێوەبەری پەیمانگای ئاوات،و ژماره‌یه‌ك له به‌ڕێوه‌به‌ری دامه‌زراوه كۆمه‌ڵایه‌تییه‌كان، په‌یمانگای ئاوات بۆ په‌روه‌رده‌ی مێشك بە دروشمێ دەرخستنی توانا شاراوەكان پێشانگای ساڵانه‌ی خۆی بۆ سودمه‌ندانی كرده‌وه.
له‌و چالاكییه‌دا، به‌ڕێز خاتوو ژیار جەلال، به‌ڕێوه‌به‌ری په‌یمانگای ئاوات‌و مامۆستاو توێژه‌رانی كۆمه‌ڵایه‌تی كاره‌كانی په‌یمانگایان بۆ ساڵی ٢٠٢١- ٢٠٢٢خسته‌ڕوو، هه‌روه‌ك تواناییه‌كانی ستافه‌كانی په‌یمانگاو پێویستییه‌كانیان بۆ باشتركردنی ئه‌دا بۆ به‌ڕێوه‌به‌ری گشتی خسته‌ڕوو، له‌وباره‌یه‌وه به‌ڕێز به‌ڕێوه‌به‌ری گشتی پاش بینینی به‌رهه‌می ده‌ستی منداڵان و سودمه‌ندانی په‌یمانگاو گوێبیستبوونی چۆنیه‌تی به‌ڕێوه‌چوونی كاره‌كانی ڕۆژانه‌ی په‌یمانگا، ده‌ستخۆشی خۆی ئاراسته‌ی به‌ڕێوه‌به‌رو مامۆستاو ستافه‌كانی په‌یمانگا كرد كه دڵسۆزانه ئه‌ركه‌كانیان ڕاده‌په‌ڕێنن، هەروەك هیوای خواست بتوانن له ساڵی داهاتوودا به به‌رنامه‌یه‌كی باشتره‌وه ده‌ست پێ بكه‌نه‌وه و له ئاست چاوه‌ڕوانی و خواستی سودمه‌ندانیاندا بن له منداڵانی خاوه‌ن پێداویستی تایبه‌ت و خانه‌واده‌كانیان.
په‌یمانگای ئاوات یه‌كێك له په‌یمانگاكانی به‌ڕێوه‌به‌رایه‌تی چاودێری كه‌مئه‌ندامانی سلێمانیه له سنوری كاری به‌ڕێوه‌به‌رایه‌تی گشتیماندا، و كارده‌كات بۆ ڕاهێنانی منداڵانی داون‌و ئه‌و منداڵانه‌ی له ڕووی توانای ژیریی‌‌و هزرییه‌وه پێویستیان به پاڵپشتی هه‌یه.
|