بەڕێوەبەری گشتی لەگەڵ ڕێکخەرو تیمی پڕۆژەی(یەکسانی جێندەری و بەهێز کردنی ژنان) لە پارێزگای سلێمانی کۆدەبێتەوە.
ئەمڕۆ سێ شەممە ، 10ـی ئـایـارـی2022 ،بەڕێز م. ئیسماعیل ڕەشید ، بەڕێوەبەری گشتی چاودێری وگەشەپێدانی کۆمەڵایەتی لە پارێزگای سلێمانی بەئامادە بونی بەڕێز هیوا ڕەحمان ،ڕاوێژکاری یاسایی، لەگەڵ بەڕێزان شاسوار صدیق ڕێکخەری پڕۆژە و تیمی پڕۆژەی (یەکسانی جێندەری و بەهێز کردنی ژنان) لە پارێزگای سلێمانی کۆبویەوە.
لە دانیشتنێکدا گفتوگۆ کرا دەربارەی ئەو کارو چالاکیانەی پڕۆژە کە لە 1ـی نیســانی2022 وە دەستی پێکردوەو بەڕێز بەڕێوەبەری گشتی ستایشی ڕێکخەرو تیمی پڕۆژەکە کردوو هیوای خواست بەردەوامبن لە کارەکانیان تا پرسی ژنان زیاتر بەرەو پێش ببەن .
پاشان ڕێکخەری پڕۆژە سوپاسی بەڕێز بەڕێوەبەری گشتی کرد بۆ پاڵپشتی و پشتیوانیان لە پڕۆژەکە و دڵنیای دا کە بەردەوامدەبن تا زیاتر خزمەت بە ژنانی پارێزگای سلێمانی بکرێت.
ئەوەی شایەنی باسە پڕۆژەکە بە پشتیوانی دارایی رێکخراوی (UNFPA) و سەرپەرشتی بەڕێوەبەرایەتی گشتی، یەکێک لە پڕۆژە گرنگ و کاریگەرەکانی سنوری کاری بەڕێوەبەرایەتی گشتیمانەو لە ماوەی‌ڕابردوودا خزمەتێکی گەورەی بە پرسی ژنان و خیزان کردووە.
|