بەڕێوەبەری گشتی سوپاسی كارمه‌ندانی دامه‌زراوه كۆمه‌ڵایه‌تییه‌كان ده‌كات.
به‌مه‌به‌ستی له نزیكه‌وه پێزانین‌و نرخاندنی هه‌وڵی به‌ڕێوه‌به‌رو كارمه‌نده‌كانیان‌و به‌رده‌وامی پێشكه‌شكردنی خزمه‌تگوزارییه كۆمه‌ڵایه‌تییه‌كان، به‌ڕێوه‌به‌ری گشتی سەردانی بینای به‌ڕێوه‌به‌رێتی چاودێریی كۆمه‌ڵایه‌تی سلێمانی کردو له‌گه‌ڵ به‌ڕێوه‌به‌ری چاودێری کۆمەڵایەتی سلێمانی كۆده‌بێته‌وه .
ڕۆژی دوو شەممە، 9ـی ئــایــارـی2022، م. ئیسماعیل ڕەشید، به‌ڕێوه‌به‌ری گشتی چاودێریی‌‌و گه‌شه‌پێدانی كۆمه‌ڵایه‌تی له‌پارێزگای سلێمانی، به یاوەری بەڕێزان ئاراس ناصر، لێپرسراوی پارێزگاری خێزان ، هیوا سەعید، سەرپەرشتیاری پەروەردەیی، بەڕێوەبەرایەتی چاودێری کۆمەڵایەتی سلێمانی بەسەر کردەوەو لەلایەن خاتوو ژیار جەلال، به‌ڕێوه‌به‌ری چاودێریی كۆمه‌ڵایه‌تی سلێمانی پێشوازی کران.
له كۆبوونه‌وه‌یەکدا به‌ڕێوه‌به‌ری گشتی کێشەو گرفتەکانی لەگەڵ بەڕێوەبەری چاودێری کۆمەڵایەتی خستە بەر باس گفتوو گۆو سوپاسی به‌رپرسان‌و به‌ڕێوه‌به‌ران‌و سه‌رجه‌م كارمه‌ندان‌و توێژه‌رو مامۆستایانی دامه‌زراوه كۆمه‌ڵایه‌تییه‌كان به‌تایبه‌ت ماڵەکان كرد كه سه‌ره‌ڕای قه‌یرانی دارایی‌‌و دواكه‌وتنی مووچه‌كانیان دڵسۆزانه له جێبه‌جێكردنی ئه‌ركه‌كانیان به‌رده‌وامن‌و ڕێگه‌یان نه‌داوه گرفت بۆ خانەکان دروست ببێت.
هه‌روه‌ك له به‌شێكی كۆبوونه‌وه‌كه‌دا چۆنییه‌تی گه‌یاندنی ئه‌و هاوكارییه تاوتوێكرا كه له‌لایه‌ن خێرخوازانه‌وه گه‌یه‌نرابوویه چاودێریی كۆمه‌ڵایه‌تی، سه‌ره‌ڕای سوپاسكردنی سه‌رجه‌م ئه‌و كه‌س‌و لایه‌نانه‌ی هاوكارو پشتیوانی خانه‌كان‌و دامه‌زراوه كۆمه‌ڵایه‌تییه‌كان ده‌كه‌ن تا به‌رده‌وام بن له جێبه‌جێكردنی ئه‌ركه‌كانیان.
پاشان بەڕێز بەڕێوەبەری گشتی هۆبەو یەکەکانی دیوانی چاودێری کۆمەڵایەتی بەسەرکردەوە .