ئەمڕۆ شەممە ۷ـی ئـایـارـی ٢٠٢٢ بە ئامادەبونی بەڕێزان مافناس، هیوا ڕەحمان ، نوێنەری بەڕێز بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی‌، هێمن محمد بەڕێوەبەری نوسینگەی بەڕێز بەڕێوەبەری گشتی ، ژمارەیەک لە دادوەرو پەرلەمانتاران و نوێنەری سەندیکای کرێکاران و کرێکاران و بەرپرسانی حکومی و ئەهلی کۆنفراسی‌ (مافەکانی کرێکاران لە نێوان دەقی یاساو جێبەجێکردن) کە لەلایەن ڕێکخراوی دابین بۆ گەشەپێدانی دیموکراسی و مافی مرۆڤ ڕێکخرابوو بەرێوەچووە.

سەرەتای‌ دەستپێکردنی‌ کۆنفراسەکە بە وتاری پارێزەری ڕێکخراوی دابین دەستی پێکرد لە وتەکەیدا باسی هۆکاری ڕێکخستنی کۆنفراسەکە کردوو هەوڵەکانی دامەزراوەی کۆمەڵایەتی بۆ کێشەو گرفتەکانی کرێکاران خستە ڕوو.

دواتر نوێنەری بەڕێوەبەری گشتی لە وتارێکی پوخت و چڕدا کێشەو گرفتە کانی یاسای دەستەبەری کۆمەڵایەتی لە نێوان دەق و یاسا کرد جەختی لەسەر چارەسەر کردن و دابین کردنی ئاسایشی کۆمەڵایەتی بۆ کرێکاران و جوتیاران و دۆزینەوەی میکانزمێک بۆ جێبەێ کردنی یاساکان کرد وە لە تەوەرێکی تردا باسی لە هەوڵەکانی وەزارەتی کار کرد بۆ دەستەبەرکردنی مافەکانی کرێکاران و یەکخستنی هەوڵەکانی هەموو ڕێکخراو و دام و دەزگا حکومی و ناحکومیەکان بۆ باشتر کردنی ڕەوشی کرێکاران جوتیاران.

لە بەشێکی‌ دیکەی‌ کۆنفراسەکە، وتاری‌ لایەن و بەرپرسی ڕێکخراوەکان بەشداربوون لە گفتوگۆ کردن تایبەت بەو پرسە لەهەرێمی کوردستان خوێندرانەوە.

لە کۆتایدا بەێوەبەری پڕۆژە، دەرئەنجامەکانی‌ پرۆژەی‌ خستەڕوو.
لە کۆتای کۆنفراسەکە، بەشداربووان سەرەنج و تێبینیەکانیان خستەڕوو لە پێناو بەرەوپێشبردنی‌ پرسی کرێکاران.