ڕۆژی هەینی ، ۲۹ـی نیســانی۲۰۲۲، بەڕێزان هیوا ڕەحمان ، ڕاوێژکاری یاسایی و هێمن محەمەد ، بەڕێوەبەری نوسینگەی بەڕێز بەڕێوەبەری گشتی چاودێری و گەشەپێدانی کۆمەڵایەتی سلێمانی، بە نوێنەرایەتی خاتوو کوێستان محەمەد ، وەزیری کارو کاروباری کۆمەڵایەتی ، چونە گوندی (موانی حەمەی حەسەن) خانەوادەیەکیان بەسەرکردەوە کە دوو بەسڵاچووی پەکەوتەبوون .کورسی کارەبایی و هاوکاریان پێگەیاندن .

ئەوان باسیان لەوە دەکرد لەژیانێکى سەخت و ناهەمواردان و ، باری دارایشیان زۆر خراپە و هەرگیز بەخەیاڵمدا نەهاتوە لەم گوندە دورە دەستە وەزیرێک بەسەرمانبکاتەوە و ئێمەی لەبیربێت. سوپاسی هەریەک لە بەڕێزان وەزیری کارو بەڕێوەبەری گشتی کرد بۆ بەهاناوە چونیان.

شایەنی باسە هەریەک لە بەڕێزان خاتوو کوێستان محەمەد و م. ئیسماعیل ڕەشید، بەڕێوەبەری گشتی چاودێری و گەشەپێدانی کۆمەڵایەتی، بەدرێژایی مانگی پیرۆزی رەمەزان بەرنامەیەکى تایبەتیان تەرخان کردوە بەو خێزان و ماڵە هەژارو کەمدەرامەتانەى لە سنوری پارێزگای سلێمانی لە دۆخێکى دارایی خراپ و ناهەمواردا ژیان بەسەر دەبەن و لەو چوارچێوەیەش دا هاوکاریەکانی گەیەندراوەتە ژمارەیەک ماڵی کەمدەرامەت و خاوەن پێداویستی تایبەت.