سلێمانی.. فیستیڤاڵی هەفتەی نابیستان بەڕێوەچوو.
بەبۆنەی هەفتەی نابیستان كە هەفتەیەكی تایبەتە بە چالاكی و ناساندنی تواناكانی منداڵ‌و هاوولاتیانی نابیست، لە پەیمانگای هیوای نابیستان، فیستیڤاڵێكی تایبەت بەڕێوەچوو.
ئەمڕۆ سێ شەممە،۲٦ـی نیســانـی۲۰۲۲ ، بە چاودێری بەڕێز م.ئیسماعیل ڕەشید، بەڕێوەبەری گشتی چاودێری‌‌و گەشەپێدانی كۆمەڵایەتی لە پارێزگای سلێمانی و ئامادەبونی بەڕێزان ، لەتیف شێخ عەزیز ،بەڕێوەبەری چاودێری کەمئەندامان ، ئاراس ناصر ، لێپرسراوی پارێزگاری خێزان، هیوا سەعید، سەرپەرشتیاری پەروەردەیی، خاتوو بەهار محەمەد بەڕێوەبەری پەیمانگای هیوای نابیستان، ژمارەیەك لە بەرێوەبەرو بەرپرسانی بواری كاری كۆمەڵایەیتی و نوێنەری ڕێكخراوەكان، لە پەیمانگای هیوای نابیستان، فیستیڤاڵێكی تایبەت بە هەفتەی نابستان بەڕێوەچوو.
لەو فیستیڤاڵەدا لەلایەن قوتابیانی پەیمانگای هیوای نابیستان، لە بەرهەمی دەستی قوتابیانی نابیستی پەیمانگا نمایشی بەرهەمی دەست و چنین‌و وێنەو كاری شێوە كاری قوتابیان كرا. و مارشی تایبەت بە پەیمانگا و چالاکی جۆراو جۆری پڕ لە مانا بە زمانی ئاماژە پێشكەشکرا.
لەو فیستیڤاڵەدا بەڕێز م.ئیسماعیل، وتەیەكی پێشكەشكردو دەست خۆشی لە بەڕێوەبەرو مامۆستایان و فێرخوازان کردو ، چالاکیەکانیانی بە گرنگ وەسف کردو جەختی لەوە كردەوە كە پێویستە ڕۆڵ‌و دەرفەتی خوێندن‌و ژیانكردن لە هەموو بوارەكان بە نابیستان بدرێت، بەپێی تواناییەكانی خۆیان، هەربۆیە پێویستە خەڵك‌و حكومەت كاربكەین بۆ ئەوەی منداڵانی خاوەن پێداویستی تایبەت هەست بەبێ بەشبون نەكەن‌و ئەوەی ئەركی سەرشانمانە بەرانبەریان جێ بەجێی بكەین .
هەفتەی نابیستان، هەفتەیەكی تایبەتە بە نابیستان‌و ساڵانە لە كوردستان و ژمارەیەك وڵاتانی دەوروبەر بەو بۆنەیەوە چالاكی جۆراو جۆر پێشكەش دەكەن‌و بۆنەو یادی تایبەت بەڕێوە دەبەن.
|